Knatt­spyrnu­sam­band Ísland hefur samið við ráð­gjaf­ar­fyr­ir­tækið Borg­ar­brag um að leiða vinnu við gerð hag­kvæmniskönn­unar á hugs­an­legri upp­bygg­ingu á nýjum leik­vangi í Laug­ar­dal. Þetta kemur fram í frétt á heima­síðu KSÍ. Pétur Mart­eins­son, athafna­maður og fyrr­ver­andi knatt­spyrnu­mað­ur, mun vera í for­svari fyrir verk­efn­ið, en hann er annar eig­enda Borg­ar­brags. Guð­mundur Krist­ján Jóns­son er fram­kvæmda­stjóri félags­ins.

„Frá­bær árangur kvenna- og karla­lands­liða Íslands í knatt­spyrnu síð­ustu miss­eri hefur beint sjónum fjöl­miðla og almenn­ings að aðstöðu knatt­spyrnu­hreyf­ing­ar­innar í Laug­ar­dal,“ segir í frétt KSÍ um mál­ið. „Á sama tíma og Knatt­spyrnu­sam­band Íslands fagnar þeirri miklu umræðu sem hefur átt sér stað síð­ustu daga í tengslum við mögu­lega stækkun Laug­ar­dalsvall­ar  vill sam­bandið ítreka að verk­efnið er á frum­stigi og ótal spurn­ingum enn ósvarað um hvort raun­hæft sé að ráð­ast í verk­efni af þess­ari stærð­argráðu á Ísland­i.“

Sam­bandið seg­ist einnig vilja árétta að ­fjöl­margir hags­mun­að­ilar eigi hlut að máli. Þá sé eign­ar­hald vall­ar­ins að stærstum hluta í höndum Reykja­vík­ur­borg­ar. „Eðli máls­ins sam­kvæmt verður ekki aðhafst í mál­inu nema með sam­þykki borg­ar­innar og að höfðu sam­ráði við aðra hags­muna­að­ila.“

Í ljósi þess hversu umfangs­mikið og flókið verk­efnið er hefur KSÍ fengið Borg­ar­brag til þess að skoða hugs­an­lega upp­bygg­ingu. Frum­nið­ur­stöður úr hag­kvæmniskönnun á að liggja fyrir í byrjun des­em­ber á þessu ári.