Þor­björn Jóns­son, for­maður Lækna­fé­lags Íslands, segir að ráðn­ing félags­ins á almanna­tengl­inum Gunn­ari Steini Páls­syni til að ráð­leggja því um hvernig félagið skyldi haga kjara­bar­áttu sinni í fjöl­miðlum hafi „al­veg tví­mæla­laust“ hjálpað við að snúa almenn­ings­á­lit­inu á sveif með lækn­um. Þetta kemur fram í við­tali við hann í nýj­ustu útgáfu Lækna­blaðs­ins sem kom út í dag.

Læknar hófu verk­falls­að­gerðir í fyrra­haust. Samn­ingar þeirra höfðu þá verið lausir um margra mán­aða skeið. Aðgerðum þeirra lauk 7. jan­úar þegar samið var við lækna um tug­pró­senta launa­hækk­un, sem var langt umfram það sem  flestar aðrar stéttir hafa samið um. Á meðan að á aðgerðum lækna stóð voru fréttir af baga­legu ástandi heil­brigð­is­kerf­is­ins, læknum sem sögðu upp störfum og sjúk­lingum sem komust ekki í aðgerðir tíðar í fjöl­miðl­um. Eftir að samið var greindi Morg­un­blaðið frá því að Gunnar Steinn Páls­son almanna­teng­ill hafi verið læknum til ráð­gjafar í deil­unni. Í könnun sem Capacent gerði í byrjun des­em­ber kom í ljós að læknar áttu stuðn­ing þjóð­ar­innar í aðgerðum sín­um, en þar kom fram að átta af hverjum tíu lands­mönnum studdu verk­falls­að­gerð­irn­ar.

Stjórn­völd reyndu að snúa almenn­ings­á­lit­inu

Þor­björn segir í við­tal­inu við Lækna­blaðið að kjara­samn­ingur lækna verði lík­lega til þess að halda læknum í vinnu hér­lendis og að hann trúi því að hin bættu kjör muni toga ein­hverja lækna heim. Hann segir að ekki sé hægt að túlka sumar yfir­lýs­ingar stjórn­valda í fjöl­miðl­um, á meðan að á verk­falls­að­gerðum stóð, á annan

Þor­björn Jóns­son, for­maður Lækna­fé­lags Íslands­.

hátt en að þau hafi verið að reyna að snú­a al­menn­ings­á­lit­inu gegn lækn­um. „Það tókst ekki, enda var það með­vitað hjá okkur að svara slíku aldrei á vett­vangi fjöl­miðla. Við fórum hins vegar ekki í neinar graf­götur með það að við værum að fara fram á veru­legar kjara­bæt­ur.“

Þor­björn er síðan spurður út í ráðn­ing­una á Gunn­ari Steini og hvort hún hafi hjálp­að. Hann svar­ar: „Al­veg tví­mæla­laust. Við Gunnar Steinn vorum reyndar sam­mála um hvernig tekið skyldi á þessu svo sam­starf okkar var mjög gott. Hann ráð­lagði okkur að taka ekki undir ögr­anir stjórn­valda í fjöl­miðl­u­m og ­leyfa slíkum upp­hróp­unum að deyja út fremur en svara þeim. Enda hefði slíkt kallað á enn frek­ari við­brögð og þar með væru við­ræð­urnar lentar á vett­vangi fjöl­miðl­anna í stað þess að fara fram við samn­inga­borð­ið, þar sem þær eiga heima. Það voru reyndar ekki allir í okkar röðum sam­mála þess­ari nálg­un og vildu að við svöruðum fyrir okk­ur. Ég tel þó að þetta hafi reynst okkur far­sælt.“