Chris Matt­hews átti góðan leik fyrir Seattle Sea­hawks í gær í leiknum um Ofur­skál­ina, Super Bowl, en New Eng­land Pat­riots stóð engu að síður uppi sem sig­ur­veg­ari, 28-24, eftir jafnan og spenn­andi leik, einkum framan af.

Matt­hews greip send­ingar í fjögur skipti í erf­iðri aðstöðu og var einn þeirra sem kom til greina sem maður leiks­ins áður en leik­stjórn­and­inn frá­bæri, Tom Brady, tók til sinna ráða og stýrði sínu liði til sig­urs, með vel útfærðum sóknum gegn bestu vörn í sögu NFL, múr­num hjá Seattle Sea­hawks.

Saga Matt­hews er með nokkrum ólík­ind­um, en hún var rakin í umfjöllun Sports Ill­u­strated í fyrra. Hann hætti í NFL árið 2011 eftir að Cleveland Browns skar hann niður úr leik­manna­hópi sín­um. Hann freist­aði gæf­unnar í mun lélegri deild í Kana­da, áður en hann hætti alveg að æfa íþrótt­ina.

Hann ákvað að byrja nýtt líf og réð sig sem örygg­is­vörð í skó­verslun Foot Locker-keðj­unn­ar. Dag einn í fyrra hringdi starfs­maður Seattle Sea­hawks í hann og bað hann um að koma á æfingu hjá lið­inu, þar sem þjálf­ar­inn teldi að eig­in­leikar hans geti fallið vel að leik liðs­ins. Hann geti komið með næsta flugi. Matt­hews hik­aði þá, og sagð­ist ekki vita hvort hann gæti kom­ið, þar sem hann þyrfti að mæta til vinnu. Umboðs­maður hans fékk síðan fregnir af mál­inu, og brást við, alveg óður. „Ertu gjör­sam­lega gal­inn? Taktu til dótið þitt og farð­u!“ sagði hann ákveð­inn.

Hann náði flug­inu og komst að lokum í æfinga­hóp­inn hjá lið­inu. Hann topp­aði síðan ótrú­lega end­ur­komu sína í NFL með frá­bærum leik í gær - þó það hafi ekki dugað til sig­urs.

https://www.youtu­be.com/watch?v=971F4OqnZuw