Í rekstar- og aðgerð­ar­á­ætlun um rekstur RÚV er ein for­senda þess að hann kom­ist í jafn­vægi án veru­legrar skerð­ingar á þjón­ustu sú að ríkið yfir­taki líf­eyr­is­skuld­bind­ingar fyr­ir­tæk­is­ins. Þær eru um þrír millj­arðar króna. Verði þetta að veru­leika, ásamt því að RÚV selji lóðir fyrir 1,4 millj­arða króna, munu lang­tíma­skuldir RÚV lækka úr 4,4 millj­örðum króna í 402 millj­ónir króna. Áætl­unin er unnin af RÚV í sam­ráði við starfs­hóp þriggja ráðu­neyta. Þetta kemur fram í grein­ar­ferð fjár­laga­nefndar Alþingis um fjár­hag RÚV þar sem áætl­unin er til umfjöll­un­ar. Fjár­mála­ráðu­neytið hefur þegar sam­þykkt áætl­un­ina. Morg­un­blaðið greinir frá.

Í áætl­un­inni er gert ráð fyrir að tap upp á 33 millj­ónir króna verði á rekstri RÚV á yfir­stand­andi ári. Hagn­aður verði hins vegar af rekstr­inum rekstr­ar­árið 2015-2016 upp á 1.540 millj­ónir króna, að mestu vegna lóða­sölu upp á 1,4 millj­arða króna. Sam­kvæmt áætl­un­inni verður rekstur RÚV heilt yfir í jafn­vægi á því sex ára tíma­bili sem fjallað er um í henni. Í Morg­un­blað­inu seg­ir: „Sam­kvæmt áætl­un­inni mun eig­in­fjár­hlut­fall í efna­hag RÚV aukast úr 4% rekstr­ar­árið 2014-2015 í 68,5% á yfir­stand­andi ári. Það ger­ist fyrst og fremst með því að lang­tíma­skuldir fara úr 4,45 millj­örðum niður í 402 millj­ónir króna.“

Ill­ugi Gunn­ars­son, mennta- og menn­ing­ar­mála­ráð­herra, segir í sam­tali við blaðið að ekki sé búið að taka ákvörðun um að ríkið yfir­taki líf­eyr­is­skuld­bind­ingar RÚV. „Stjórn Rík­is­út­varps­ins horfir mjög til þessa þáttar og það er skilj­an­legt. Það er ekki búið að taka neina ákvörðun þar að lút­andi hjá þeim sem slíka ákvörðun þurfa að taka. Það er eitt­hvað sem snýr að fjár­mála­ráðu­neyt­inu, okkur [í ráðu­neyt­inu] og svo þing­in­u.“

Eyþór Arn­alds stýrir hópi sem fer yfir rekstur RÚV

Ill­ugi til­kynnti í gær að hann hefði skipað þriggja manna starfs­hóp undir for­mennsku Eyþórs Arn­alds til að skoða og greina rekstur Rík­is­út­varps­ins (RÚV) frá því að það var gert að opin­beru hluta­fé­lagi 1. apríl 2007. Mark­mið skoð­un­ar­innar er að varpa ljósi á ástæður þess alvar­lega rekstr­ar­vanda sem RÚV glímir við. Hóp­ur­inn á að skila nið­ur­stöðum eigi síðar en 26. júní næst­kom­andi.

Fyrr í þess­ari viku var greint frá því að llugi hafi fallið frá áformum um frek­ari lækkun útvarps­gjalds­ins á árinu 2016. Útvarps­gjaldið er helsta tekju­lind RÚV. Hann hefur þegar til­kynnt þetta í þing­flokki Sjálf­stæð­is­flokks­ins og und­ir­tökur þing­manna við þessum áformum voru mis­jafn­ar.

Mikið fjaðrafok var í kringum RÚV í lok síð­asta árs eftir að til­kynnt var að fyr­ir­tæk­ið, sem er með tæpa sex millj­arða króna í rekstr­ar­tekjur á þessu rekstr­ar­ári að með­töldum aug­lýs­inga­tekj­um, myndi fá útvar­spgjaldið óskert (áður hafði hluti þess verið not­aður til ann­arra verk­efna rík­is­sjóðs) en að það yrði lækk­að. Árið 2014 var það 19.400 krónur á hvern greið­enda, en er 17.800 krónur í ár. Árið 2016 átti það að lækka enn frekar og verða 16.400 krón­ur.

Stjórn­endur RÚV sögð­ust ein­ungis geta rekið RÚV og sinnt lög­bundnu hlut­verki þess ef fyr­ir­tækið fengi útvar­spgjaldið óskert og með því að selja eignir upp í skuld­ir. Hávær mót­mæli urðu gegn því sem kallað var aðför að RÚV. Stjórn­ar­meiri­hlut­inn stóð hins vegar fast á sínu og fjár­lög voru sam­þykkt með lækk­un­ina inn­an­borðs.

Nú hefur mennta- og menn­ing­ar­mála­ráð­herra hins vegar hætt við að lækka útvarps­gjaldið frekar og búið er að opna á að ríkið taki yfir líf­eyr­is­kuld­bind­ingar RÚV, sem eru þorri lang­tíma­skulda félags­ins. Miklar breyt­ingar gætu því verið framundan á rekstri RÚV næstu miss­er­in.