Meiri­hluti atvinnu­vega­nefndar Alþingis lagði fram breyt­inga­til­lögu á þings­á­lykt­un­ar­til­lögu um Hvamms­virkjun á fundi í morg­un. Lagt var til að fjórir virkj­ana­kostir til við­bótar við Hvamms­virkjun yrðu sendir í umsagn­ar­ferli, en þetta var gert munn­lega og málið var ekki á dag­skrá nefnd­ar­innar í morg­un.

Lilja Raf­ney Magn­ús­dóttir þing­kona Vinstri grænna vakti athygli á þessu í upp­hafi þing­fundar í morg­un, og skap­að­ist tals­verð umræða um málið í kjöl­far­ið. Stjórn­ar­and­stæð­ingar kröfð­ust þess að hlé yrði gert á þing­fundi og þing­flokks­for­menn og for­sætis­nefnd myndu funda um mál­ið. Var Jón Gunn­ars­son, for­maður atvinnu­vega­nefnd­ar, sak­aður um lög­brot með því að leggja málið fram. Hann vís­aði gagn­rýni á bug á þing­fund­in­um. Jón olli upp­námi á þing­inu í nóv­em­ber með því að leggja þá til við nefnd­inar að átta virkj­un­ar­kostum yrði bætt við þings­á­lykt­un­ar­til­lög­una.

Einar K. Guð­finns­son, for­seti Alþing­is, sam­þykkti að halda fund um málið í hádeg­is­hléi þing­fund­ar. Fjöru­tíu mín­útum eftir að þing­fundur hófst er enn verið að ræða málið undir liðnum fund­ar­stjórn for­seta.

Virkj­an­irnar sem um er að ræða eru Hvamms­virkj­un, Holta­virkjun og Urriða­foss­virkjun í Þjórsá og svo Haga­vatns­virkj­un, sam­kvæmt því sem kom fram á Alþingi í morg­un. Ekki er búið að leggja fram neina skrif­lega til­lögu um mál­ið.

Verk­efn­is­stjórn áætl­unar um vernd og orku­nýt­ingu land­svæða lagði aðeins til að Hvamms­virkjun yrði flutt úr bið­flokki í orku­nýt­ing­ar­flokk í til­lögum sínum til ráð­herra. Hún gerði ekki til­lögur um að breyta röð virkj­un­ar­kosta sem fram koma í núgild­andi vernd­ar- og orku­nýt­ing­ar­á­ætl­un, sem var sam­þykkt á Alþingi 14. jan­úar 2013.