Laun á Íslandi hækk­uðu um 2,3 pró­sent milli maí og júní, sam­kvæmt launa­vísi­tölu Hag­stofu Íslands­.­Vísi­talan hefur ekki hækkað jafn mikið milli mán­aða síðan í febr­úar 2013. Á síð­ast­liðnum tólf mán­uðum hefur launa­vísi­talan hækkað um 7,1 pró­sent en vísi­talan byggir á gögnum úr launa­rann­sókn Hag­stofu Íslands.

Á sama tíma og launa­vísi­talan hækk­aði um 2,3 pró­sent þá hækk­aði kaup­máttur launa um 2,0 pró­sent frá fyrri mán­uði. Síð­ustu tólf mán­uði hefur vísi­tala kaup­máttar launa hækkað um 5,5 pró­sent.­Vísi­tala kaup­máttar launa er reiknuð út frá vísi­tölu launa og neyslu­verðs­vísi­töl­unni, sem mælir verð­bólgu í land­inu. Almennt eykst kaup­máttur launa þegar laun hækka umfram verð­lag en lækka þegar verð­bólga er meiri en launa­hækk­an­ir.

Hér að neðan má sjá hvernig vísi­tala launa og vísi­tala kaup­máttar hefur þró­ast frá því í júní 2014. Vísi­töl­urnar eru stilltar í gildið 100 í upp­hafi tíma­bils­ins og sýna því hlut­falls­lega hækkun frá júní 2014.

Fram kemur í frétt Hag­stof­unnar um málið í dag að í vísi­töl­unum gætir áhrifa nýgerðra kjara­samn­inga á almennum vinnu­mark­aði sem und­ir­rit­aðir voru í maí síð­ast­liðn­um. Þar var kveðið á um sér­staka hækkun kaup­taxta, breyt­inga á launa­töflum auk sam­komu­lags um launa­þró­un­ar­trygg­ingu að lág­marki 3,2 pró­sent frá 2015. Þá gætir einnig áhrif vegna kjara­samn­inga ríkis og Kenn­ara­sam­bands Íslands ann­ars vegar og Lækna­fé­lags Íslands hins vegar sem und­ir­rit­aðir voru á öðrum árs­fjórð­ungi 2014 og í árs­byrjun 2015.