Fólk með lifr­ar­bólgu C á Íslandi fær enn ekki ný lyf sem geta upp­rætt veiruna, vegna þess að þau rúm­ast ekki innan ramma fjár­veit­inga. Þetta er eins­dæmi að mati Sig­urðar Ólafs­son­ar, setts yfir­læknis melt­ing­ar­lækn­inga á Land­spít­al­an­um, og hann segir ástandið vekja furðu og hneykslan hjá læknum erlend­is.

Sig­urður skrifar um málið í leið­ara nýjasta Lækna­blaðs­insa, en fjöl­miðlar greindu frá því fyrir rúmum mán­uði að lyfin fáist ekki hér á landi. Sig­urður gagn­rýnir ástandið mjög, og segir málið smán­ar­blett á íslensku sam­fé­lag­i. „Þessi staða á sér ekki hlið­stæðu í þeim löndum sem við viljum helst bera okkur saman við. Ég efast reyndar um að það eigi sér for­dæmi í heil­brigð­is­kerfi Íslend­inga á síð­ari árum að svo stórum hópi sjúk­linga með alvar­legan sjúk­dóm sé neitað um jafn­á­hrifa­ríka með­ferð - með­ferð sem íbúum ann­arra Norð­ur­landa­þjóða stendur til boða.“

Miklar fram­farir hafa orðið í með­ferð sjúk­dóms­ins und­an­farin ár og Sig­urður segir lækna um allan heim upp­lifa „æv­in­týra­lega tíma.“ Nýju lyfin lækna lang­flesta af lifr­ar­bólgu og þau hafa einnig litlar auka­verk­an­ir. „Á sama tíma og þessum sigri lækn­is­fræð­innar er fagnað hefur skuggi hvílt yfir með­ferð sjúk­linga með lifr­ar­bólgu C hér á land­i.“

Talið er að um 800 til þús­und manns á Íslandi séu með sjúk­dóm­inn. Sig­urður segst telja að allir sem að heil­brigð­is­þjón­ustu koma vilji að Íslend­ingar geti notið bestu mögu­legu heil­brigð­is­þjón­ustu, en spyr hvernig svona lagað geti gerst hjá þjóð sem flokk­ist meðal auð­ugri þjóða í heim­in­um. „Það sem skiptir mestu máli núna er að lausn fáist skjótt þannig hægt sé að hefja með­ferð með nýju lyfj­unum hjá sjúk­lingum með lifr­ar­bólgu C, sér­stak­lega þeim sem eru í mjög brýnni þörf, þannig að þessi smán­ar­blettur á okkar sam­fé­lagi haldi ekki áfram að stækk­a.“