Danski fjár­festir­inn Lars Grund­tvig, sem hefur verið meðal stærstu erlendu fjár­festa í íslensku kaup­höll­inni, seldi í síð­ustu viku hluta af eign sinni í Mar­el, og nemur eign­ar­hlutur hans nú 3,6 pró­sent. Í lok árs 2013 var Grund­tvig, í gegnum félagið Grund­tvig Invest A/S, næst ­stærsti hlut­hafi félags­ins með 8,4 pró­sent hlut.

Hann hefur því meira en helm­ingað eign sína í Marel frá þeim tíma.

Lars Grund­tvig hefur harð­lega gagn­rýnt Seðla­banka Íslands vegna fjár­magns­haft­anna, og skrif­aði meðal ann­ars opið bréf til Más Guð­munds­sonar seðla­banka­stjóra í Mark­að­inn, fylgi­rit Frétta­blaðs­ins um efna­hags­mál, 26. nóv­em­ber, þar sem hann sagði stöð­una sem uppi væri, með fjár­magns­höft­in, minna á þjófn­að. „Ég er nú 73 ára og sú stund nálg­ast óðum að fyr­ir­tæki mitt gengur að erfðum [...] Þótt færa megi fyrir því rök að íslenskt efna­hags­líf sé enn að ná sér, þá á hið sama við um mörg önnur Evr­ópu­lönd. Þau lönd, Kýpur þar á með­al, geta hins vegar ekki reitt sig á gjald­eyr­is­höft og tor­velt að sjá af hverju Ísland ætti að geta það [...] ­Ís­lensk stjórn­völd leika rúss­neska rúl­lettu með aðgang Íslands að fjár­magns­mörk­uðum Evr­ópu og að því líður að aðild­ar­ríki Evr­ópu­sam­bands­ins og stjórn­mála­menn þeirra taka að spyrja hvers vegna Íslandi sé enn heim­ill aðgangur að innri mark­aði Evr­ópu á meðan landið hunsar eina af helg­ustu greinum Samn­ings­ins um evr­ópska efna­hags­svæðið (banni við fjár­magns­höft­u­m),“ sagði Grund­tvig meðal ann­ars.

Heild­ar­virði eign­ar­hlutar Grund­tvig í Marel nemur nú um 4,5 millj­örð­um. Gengi bréfa Marel hefur hækkað skarpt und­an­farin miss­eri, en gengi bréf­anna er nú 171. Í lok októ­ber í fyrra var gengið 119.