Alls voru 1.604 nem­endur skráðir í nám við tölv­un­ar­fræði­deildir í Háskóla Íslands og Háskól­anum í Reykja­vík árið 2014. Það er fjölgun um 145,3 pró­sent frá því fyrir fimm árum, þegar 654 nem­endur voru skráðir í tölv­un­ar­fræði við báða skól­ana.

Þetta kemur fram í Frétta­blað­inu í dag. Í við­tali við blaðið segir Yngvi Björns­son, deild­ar­for­seti tölv­un­ar­fræði­deildar Háskól­ans í Reykja­vík, að engin ein skýr­ing sé á þessu. Í gegnum tíð­ina hafi áhug­inn á fag­inu gengið í bylgjum og sé mikið bundin við umræðu og umfjöllun í sam­fé­lag­inu hverju sinni. Alþjóð­leg tækni­fyr­ir­tæki eins og Goog­le, Face­book og fleiri, ýti undir áhug­ann, ásamt snjall­símafor­ritum og fleiri fylgi­fiskum fram­þró­unar tölvu­tækn­innar á und­an­förnum árum.

Yngvi segir þennan aukna fjölda í tækni­greinum ekki sér­ís­lenskt fyr­ir­bæri heldur hluta af alþjóð­legri þró­un.

Yngvi segir að einnig hafi það sýnt sig að tækni­störfin komi vel út á kreppu­tím­um, þá sé þrátt fyrir allt enn mikil eft­ir­spurn eftir fólki með slíka sér­þekk­ingu og það spili vafa­laust inn í.

Fjöldi kvenna við tölv­un­ar­fræði­deild­irnar hefur einnig auk­ist. Árið 2009 voru konur 99 en eru nú 345. Það er aukn­ing upp á 248,5 pró­sent á aðeins fimm árum.