Sam­kvæmt vef­síð­unni Oddschecker, sem heldur utan um veð­mála­stuðla helstu veð­mála­síðna heims, kemst fram­lag Íslands í Eurovision, Unbro­ken, í flutn­ingi Maríu Ólafs­dótt­ur, upp úr seinni und­an­úr­slit­ar­iðl­inum í kvöld og inn í úrslit söngvakeppn­inn­ar. Með naum­indum þó.

Íslenska lagið verður það níunda inn í úrslitin sam­kvæmt spá Oddschecker, en tíunda og síð­asta lagið upp úr riðl­inum verður fram­lag Pól­lands ef spáin gengur eft­ir. Sjö ­þjóðir þykja næsta öruggar inn í úrslitin sam­kvæmt veð­bönk­um; Sví­ar, Norð­menn, Aser­ar, Sló­ven­ar, Lettar, Ísra­elar og Kýp­verj­ar. Auk Íslands munu fjórar aðrar þjóðir berj­ast hat­ramm­lega um síð­ustu þrjú sætin í úrslit­un­um; Lit­há­ar, Pól­verjar, Svart­fell­ingar og Malt­verj­ar.

Sænska lag­ið, Her­oes í flutn­ing Måns Zel­merlöw, er spáð fyrsta sæt­inu í riðl­in­um, en lagið þykir sömu­leiðis mjög sig­ur­strang­legt í sjálfum úrslitum Eurovision, sem fram fara á laug­ar­dag­inn.

Telur íslenska lagið eiga ágætis mögu­leika

Bald­vin Þór Bergs­son er staddur í Vín til að fylgj­ast með Eurovision. Mynd: BÞB

Bald­vin Þór Bergs­son, einn fremsti sér­fræð­ingur RÚV í Eurovision, er staddur í Vín­ar­borg þar sem hann fjallar um ævin­týri íslenska hóps­ins í söngvakeppn­inni. Hann er bjart­sýnn á vel­gengni íslenska lags­ins.

„Ég held að mögu­leik­arnir séu ágætir en stað­reyndin er sú að þetta er sterkur rið­ill. Í fyrra var Ísland í riðli með 14 öðrum þjóðum en nú eru það 17 lönd sem berj­ast um 10 sæti þannig að mögu­leik­arnir eru minni. Við treystum hins vegar á stig frá Sví­þjóð, Nor­egi, Bret­landi og Ástr­alíu að minnsta kosti og svo er nú lík­legt að Eistar verði góðir við okk­ur. Að minnsta kosti hafa flytj­endur þeirra verið dug­legir að tala um það við íslenska fjöl­miðla­menn að Ísland hafi verið fyrsta ríkið til að við­ur­kenna sjálf­stæði þeirra.“

Þá telur Bald­vin Þór að Ísland geti nán­ast reitt sig á stig frá Bretum og Áströl­um, en þjóð­irnar mega greiða atkvæði í kvöld. „Bretar hafa yfir­leitt gefið okkur stig og kannski er tón­list­arsmekkur þjóð­anna svip­að­ur. María hefur svo verið dug­leg að hrósa ástr­alska flytj­and­anum og mæta í við­töl við ástr­alska fjöl­miðla þannig að það ætti að skila stig­um.“

Slag­ur­inn mun standa á milli Svía, Ítala, Rússa og Ástr­ala

Veð­bankar eru ekki alveg á eitt sáttir um hvaða lag muni bera sigur úr býtum í úrslitum Eurovision-keppn­inn­ar, en ljóst þykir að bar­áttan um sig­ur­verð­launin muni standa á milli Svía, Ítala, Rússa og Ástr­a­la.

Það blæs hins vegar ekki svo byr­lega fyrir Maríu okkar Ólafs­dóttur og félaga í íslenska hópnum sam­kvæmt veð­bönk­um, en eins og staðan lítur út í dag á Oddschecker er fram­lagi Íslands spáð hinu víð­fræga 16. sæti í keppn­inni, og hefur lækkað um tvö sæti frá því í gær. Eins og kunn­ugt er stígur María á sviðið í Vín í kvöld, og við­búið er að spá veð­bank­anna breyt­ist ef flutn­ingur fram­lags Íslands gengur vel.