Um 71 pró­sent aðspurðra sögðust á­nægð með áætlun stjórn­valda um losun fjár­magns­hafta í nýjum þjóð­ar­púlsi Gallups. Um 22 pró­sent þátt­tak­enda í könn­un­inni höfðu kynnt sér áætl­un­ina vel, 30 pró­sent töldu sig hvorki hafa kynnt sér hana vel né illa en 44 pró­sent sögð­ust lítið eða ekk­ert hafa kynnt sér hana. Greint var frá nið­ur­stöðum þjóð­ar­púls­ins í hádeg­is­fréttum RÚV.

Áætl­unin um losun fjár­magns­hafta var kynnt á blaða­manna­fundi í Hörpu þann 8. júní síð­ast­lið­inn.

Fram kom í frétt RÚV að karlar höfðu frekar kynnt sér áætl­un­ina heldur en kon­ur, fólk yfir sex­tugt var lík­legra til þess að hafa kynnt sér áætl­un­ina heldur en yngra fólk, stuðn­ings­fólk stjórn­ar­flokk­anna var lík­legra til að hafa kynnt sér áætl­un­ina heldur en kjós­endur stjórn­ar­and­stöðu­flokk­anna og líkur á að hafa kynnt sér skýrsl­una juk­ust eftir því sem menntun svar­enda var meiri og tekjur hærri.

Minnst höfðu stuðn­ings­menn Bjartrar fram­tíðar kynnt sér áætl­un­ina. Sex­tíu pró­sent þeirra sem sögð­ust myndu kjósa Bjarta fram­tíð í dag höfðu kynnt sér áætlun um losun hafta lítið eða ekk­ert.

Um 90 pró­sent kjós­enda Fram­sókn­ar, yrði gengið til kosn­inga í dag, sögð­ust ánægð með áætl­un­ina og 94 pró­sent kjós­enda Sjálf­stæð­is­flokks­ins. Minnstur var stuðn­ingur við áætl­un­ina meðal stuðn­ings­fólks Vinstri grænna, eða 49 pró­sent.

Könn­unin var gerð á net­inu, svar­hlut­fall var 55 pró­sent og alls var 1431 í úrtaki.