Ill­ugi Gunn­ars­son mennta- og menn­ing­ar­mála­ráð­herra er að láta kanna fýsi­leika þess að inn­leiða nýtt sam­ræmt próf í grunn­skólum lands­ins. Prófið ætti að taka á lyk­il­hæfni sem nem­endum er ætlað að læra sam­kvæmt aðal­námskrá. Þetta kemur fram í Frétta­blað­inu í dag. Til­lögur að þessu prófi ættu að vera til­búnar innan nokk­urra mán­aða.

„Við viljum ekki að grunn­skól­inn þró­ist þannig að það verði öll áhersla lögð á ein­hver þrjú fög, það er að segja að sam­ræmd faga­próf verði alls­ráð­andi í kerf­inu. Þett vegna erum við að horfa til sam­ræmdra prófa sem byggja á lyk­il­þáttum í námskránni en um leið þarf að tryggja að krakk­arnir hafi vald á þeim fögum sem við vitum að eru mik­il­væg í fram­halds­skól­an­um, til dæmis stærð­fræði, ensku og íslensku,“ segir Ill­ugi í Frétta­blað­inu í dag.

Mennta­mála­stofnun er jafn­framt að rann­saka nið­ur­stöður sam­ræmdra prófa og bera þær saman við skóla­ein­kunnir í grunn­skólum til að kanna hvort ein­kunna­verð­bólga eigi sér stað, eins og umræða hefur verið um að und­an­förnu.

Ingi Ólafs­son, skóla­meist­ari í Verzl­un­ar­skóla Íslands, hefur viðrað hug­myndir um að koma á inn­töku­prófum í skól­ann til að stemma stigu við slíkri verð­bólgu. Verzl­un­ar­skól­inn hefur verið einn vin­sæl­asti skóli lands­ins lengi.

Ill­ugi segir það skilj­an­legt, enda sé þetta speg­ill að þeirri umræðu sem eigi sér stað á háskóla­stig­inu. „Við höfum enga sam­ræmda mæli­kvarða, eða þeir eru ekki að virka sem skyldi. Þá er eðli­legt að þeir sem eru að taka við nem­endum af einu skóla­stigi og upp á næsta hafi áhyggj­ur.“