Skýrsla um rekstur Rík­is­út­varps­ins hefur ekki verið afhent mennta­mála­ráðu­neyt­inu, eins og Óli Björn Kára­son, vara­þing­maður Sjálf­stæð­is­flokks­ins, hélt fram í grein í Morg­un­blað­inu í morgun. Þetta segir Sig­ríður Hall­gríms­dótt­ir, aðstoð­ar­maður Ill­uga Gunn­ars­sonar mennta­mála­ráð­herra, í svari við fyr­ir­spurn Kjarn­ans um mál­ið.

Ill­ugi skip­aði í vor þriggja manna starfs­hóp til að skoða og greina rekstur Rík­is­út­varps­ins frá því að RÚV var gert að opin­beru hluta­fé­lag­i þann 1. apríl 2007. „Mark­miðið er að sú skoðun varpi ljósi á ástæður þess alvar­lega rekstr­ar­vanda sem Rík­is­út­varpið ohf. glímir nú við,“ sagði í til­kynn­ingu um skipan hóps­ins. Eyþór Arn­alds er for­maður hóps­ins og Guð­rún Ögmunds­dótt­ir, starf­maður í fjár­mála­ráðu­neyt­inu, og Svan­björn Thorodd­sen ráð­gjafi, sitja líka í hon­um. Hann átti upp­haf­lega að skila nið­ur­stöðum sínum fyrir 26. júní, en það varð ekki.

Í grein í morgun sagði Óli Björn að skýrsla starfs­hóps­ins væri til­búin og hefði verið afhent ráð­herra fyrir mörgum vikum síð­an, en af ein­hverjum ástæðum ekki verið birt. „Það er sér­kenni­legt, svo ekki sé dýpra í árinni tek­ið, að almenn­ingur fái ekki aðgang að skýrslu um fjár­hags­lega stöðu fyr­ir­tæk­is­ins sem a.m.k. á tylli­dögum og í aug­lýs­ingum er sagt „okkar allra“ sem með góðu eða illu greiða nef­skatt í formi útvarps­gjalds til að standa undir rekstr­in­um,“ sagði Óli Björn.

Sig­ríður Hall­gríms­dóttir segir hins vegar í svari við fyr­ir­spurn Kjarn­ans um málið að skýrslan hafi ekki verið afhent, en sam­kvæmt for­manni nefnd­ar­innar sé lík­legt að af því verði innan fárra daga, að öllum lík­indum í næstu viku.