Jón Garðar Ögmunds­son, kenndur við Metro-­borg­ara, var í dag dæmdur í tólf mán­aðar fang­elsi fyrir meiri­háttar skatt­svik. Þar af eru níu mán­uðir skil­orðs­bundn­ir. Honum var auk þess gert að greiða 70 millj­ónir króna í rík­is­sjóð innan fjög­urra vikna.

Jón Garðar var ásamt konu ákærður af emb­ætti sér­staks sak­sókn­ara fyrir meiri­háttar skatt­svik í gegnum fyrrum móð­ur­fé­lag Metro. Þeim var gefið að hafa ekki staðið skil á greiðslu opin­berra gjalda sem fólk­ið hafði haldið aftur af launum starfs­manna sinna á árunum 2011 og 2012. Í ákærunni, sem gefin var út 17. júlí, ­segir að van­goldin stað­greiðsla opin­berra gjalda sé „sam­tals að fjár­hæð kr. 33.861.435 hvað varðar [kon­una sem var ákærð] og 34.960.099 hvað varðar Jón Garð­ar“. Kon­an, sem sam­kvæmt fyrri fjöl­miðlaum­fjöllun er kærasta Jóns Garð­ars, var sýknuð í hér­aðs­dómi Reykja­víkur í dag en Jón Garðar gerður ábyrgur fyrir öllum skattsvik­un­um.

Dæmdur í febr­úar fyrir sömu sakir

Þetta var annað málið á skömmum tíma sem sér­stakur sak­sókn­ari höfð­aði á hendur Jóni Garð­ari fyrir að skila ekki inn opin­berum gjöldum sem hann hafði dregið af starfs­mönnum sín­um. Haustið 2013 var gefin út önnur ákæra á hendur honum fyrir sömu sakir vegna áranna 2009 og 2010. Alls nam upp­hæðin sem skil­aði sér ekki þá 22,5 millj­ónum króna. Í því máli var Jón Garðar sak­felldur og dæmdur í fimm mán­aða fang­elsi, skil­orðs­bundið til tveggja ára. Honum var auk þess gert að greiða 45 millj­ónir króna í sekt.

Röð gjald­þrota

Jón Garðar rak áður McDon­alds-­staði á Íslandi í gegnum einka­hluta­fé­lagið Lyst ehf. Árið 2009 versnuðu við­skipta­kjör það mikið í kjöl­far banka­hruns að hann ákvað að breyta stöð­unum í Metro og kom­ast þannig hjá því að fylgja ströngum stöðlum alþjóð­legu risa­keðj­unnar um inn­kaup. Þau brot sem Jóni Garð­ari var gefið að hafa framið með fyrri skattsvika­á­kærunni frá því í sept­em­ber í fyrra eiga að hafa verið framin á starfs­mönnum Lyst­ar.

Rekstur Metro var seldur frá Lyst yfir til félags­ins Lífs og heilsu ehf. í júní 2010 og skömmu síðar fór Lyst í gjald­þrot. Sam­kvæmt til­kynn­ingu í Lög­birt­ing­ar­blað­inu námu lýstar kröfur í bú Lystar 379,2 millj­ónum króna. Nán­ast ekk­ert fékkst upp í þær.

Afsalað til kærust­u að nýju

Skráður eig­andi Lífs og heilsu, sem tók við rekstri Metro-­stað­anna, var konan sem var sýknuð í hér­aðs­dómi í dag, en hún er, sam­kvæmt fyrri fjöl­miðlaum­fjöll­un, kærasta Jóns Garð­ars. Síð­ari ákæran, sem gefin var út í júlí 2014, er vegna meintra skattsvika þeirra tveggja í gegnum það félag. Líf og heilsa seldi rekstur Metró-­stað­anna til enn eins félags, M-veit­inga ehf., haustið 2012. Skömmu síðar var Líf og heilsa svo lýst gjald­þrota. Jón Garðar sagði af þessu til­efni í sam­tali við Morg­un­blaðið að kaup­verðið á rekstr­inum ætti að duga fyrir um 100 milljón króna skuldum Líf og heilsu. Sam­kvæmt þeim gögnum sem finn­ast í fyr­ir­tækja­skrá er eina féð sem greitt hefur verið inn í M-veit­ingar 500 þús­und króna stofn­hluta­fé.

Sam­kvæmt frétt í DV um málið var skráður eig­andi M-veit­inga Jón Heiðar Páls­son, nágranni Jóns Garð­ars og góður vin­ur. Í til­kynn­ingu til fyr­ir­tækja­skráar frá því í febr­úar 2013 kemur fram að allt hlutafé í M-veit­ingum hafi verið afsalað til kon­unn­ar ­sem var sýknuð í hér­aðs­dómi. Hún er því í dag eig­andi Metró-keðj­unn­ar.