„Hryðju­verka­árás“ segir Francois Hollande um skotárás­ina í París í hádeg­inu, sem er mann­skæð­asta hryðju­verka­árás í Frakk­landi í tvo ára­tugi. „Árás á helstu gildi og hug­sjónir franska lýð­veld­is­ins.“

Skotárásin í hádeg­inu virð­ist hafa verið vel und­ir­búin og þaul­hugs­uð. Árás­ar­menn­irnir sem komust und­an, virð­ast hafa verið þraut­þjálfaðir her­menn. Vopn­aðir hríð­skotarifflum myrtu þeir tíu blaða­menn skopa­mynda­blaðs­ins Charlie Hebdo og tvo lög­reglu­menn. Charlie Hebdo er háðsá­deilu­blað sem hefur gert mis­kunn­ar­laust grín að stjórn­mála­mönn­um, atvinnu­rek­end­um, trú­ar­brögðum og raun öllu í gegnum tíð­ina.

Skop­myndir og ádeilu­grín á sér langa hefð í Frakka­landi og þess vegna hefur blaðið ekki hikað við að birta myndir af Múhameð spá­manni í gegnum tíð­ina þrátt fyrir marg­ít­rek­aðar hót­anir her­skárra múslima. Ekki er enn vitað hver ber ábyrgð á árásinni en blaðið birti nýlega skop­mynd af leið­toga Íslamska ríks­ins, Abu Bakr al-Bagdad.

Skop­myndin af Abu_Bakr-al-Bagda­d.

Hæsta við­bún­að­ar­stig er í gangi í París þessa stund­ina. For­seti Frakk­lands, Francois Hollande, tjáði fjöl­miðlum fyrir stundu að marg­ít­rek­aðar hryðju­verka­til­raunir hefðu verðu stöðv­aðar af lög­reglu og leyni­þjón­ust­unni í París und­an­farnar vik­ur. Hann mætti á vett­vang stuttu eftir árás­ina og sagði þetta vera árás á mál­frelsið; ógn við helstu grund­vall­ar­gildi franska lýð­veld­is­ins.

Þetta er áfall fyrir íbúa Par­ís­ar, áfall fyrir starf­andi blaða­menn. Sex­tíu blaða­menn um allan heim voru myrtir á síð­asta ári – nú bæt­ast tíu í hóp­inn.

Ógn og upp­ganga öfga­hópa virð­ist vera á mik­illi upp­leið og eitt helsta ein­kenni 21. ald­ar­inn­ar. Fjöldamorðin í dag eiga að hræða og ógna blaða­mönnum sem þora og ögra; hindra upp­lýs­inga­flæði og hefta mál­frelsi. Drepa grín, ádeilu og gagn­rýni. Það virð­ist alla vega í fyrstu vera til­gangur þess­arar árás­ar. Það er því afar sér­kenni­legt and­rúms­loft í París þessa stund­ina; mikil reiði og sorg.