Hver skoð­ana­könn­unin á fætur annarri sýnir nú að Píratar njóta lang­mests fylgis allra stjórn­mála­flokka. Þeir geta mjög vel við unað eins og er, ­með yfir 30 pró­senta fylgi. Píratar virðst hins vegar gera sér grein fyrir raun­veru­leik­an­um, sem er sá að und­an­farin ár hefur fylgi flokka á Íslandi verið mjög fall­valt, og getur nán­ast horfið á auga­bragði. Það ­gildir um Pírata sem og aðra. Hlut­irnir breyt­ast hratt og það eru ennþá tvö ár í kosn­ingar að óbreyttu. Það er langur tími.

En jafn­vel þótt fylgið í skoð­ana­könn­unum hald­ist áfram hjá Pírötum er sig­ur­inn ekki endi­lega unn­inn. Eins og Kjarn­inn hefur greint frá, og kemur lík­lega fáum á óvart, sækja Píratar mest af sínu fylgi til ungs fólks. Í ald­urs­hópnum 18 til 29 ára segj­ast 44,5 pró­sent myndu kjósa Pírata ef gengið yrði að kjör­borð­inu í dag. Í þessum ald­urs­hópi bera þau höfuð og herðar yfir aðra flokka, næstu flokkar fá 12,5 pró­senta fylgi.

Í síð­ustu kosn­ingum á Íslandi, sem reyndar voru sveit­ar­stjórn­ar­kosn­ingar en ekki Alþing­is­kosn­ing­ar, var kosn­inga­þátt­taka þessa hóps hins vegar ekk­ert til að hrópa húrra fyr­ir. Fylgið var um og undir 50 pró­sentum í ald­urs­hópnum 18 til 29 ára, sterkasta hópi Pírata. Stóra spurn­ingin er því hvernig Píratar kæmu út úr kosn­ing­um, jafn­vel þótt þeir héldu áfram að mæl­ast jafn vel og þeir gera nú.