Verslun á net­inu hefur tekið mik­inn kipp á Íslandi, ef marka má könnun Hag­stof­unnar á net­notkun lands­manna árið 2014. Um 67 pró­sent net­not­enda höfðu verslað á net­inu á síð­ustu 12 mán­uð­um, sam­an­borið við 57,6 pró­sent árið áður.

Hag­stofan birti á föstu­dag skýrslu um tölvu- og net­notkun á Íslandi og í öðrum Evr­ópu­löndum 2014. Sem fyrr er Ísland nettengdasta þjóð álf­urnn­ar. Í fyrra töld­ust 98,2 pró­sent íbúa til „net­not­enda“, það eru þeir ein­stak­lingar sem hafa notað inter­netið á síð­ustu þremur mán­uð­um.

Fjöldi þeirra sem versla varn­ing og þjón­ustu í gegnum netið hefur farið vax­andi á und­an­förnum árum. Árið 2010 var hlut­fall þeirra sem versl­uðu á net­inu undir 50 pró­sent allra net­not­enda en var sem fyrr segir um 67 pró­sent á síð­asta ári.

Net­verslun hefur auk­ist meðal flestra ald­urs­hópa, en þó minna eftir því sem fólk er eldra. Fólk á aldr­inum 25 ára til 34 ára er dug­leg­astur við að kaupa varn­ing og þjón­ustu á net­inu.

Af ein­stökum vörum og þjón­ustu þá er algeng­ast að net­not­endur versli aðgöngu­miða á við­burði. Alls höfðu 75% þeirra sem höfðu verslað á net­inu á síð­ustu tólf mán­uðum keypt miða á við­burði. Þá keyptu fleiri tón­list og kvik­myndir í gegnum inter­net­ið, og hafa veitur á borð við Net­flix og Spotify þar vafa­laust áhrif. Á mynd­inni hér að ofan má sjá hversu stórt hlut­fall þeirra sem versla á net­inu hafa keypt til­tekin varn­ing eða þjón­ustu og breyt­ingar milli ára.

Nokkuð jafnt hlut­fall er á milli kaupa frá Banda­ríkj­unum ann­ars vegar og löndum Evr­ópu­sam­bands­ins hins veg­ar. Athygl­is­vert er að skoða þró­un­ina á kaupum frá fyr­ir­tækjum utan Banda­ríkj­anna og ESB, en verslun þaðan um það bil tvö­fald­að­ist milli áranna 2013 og 2014. Í skýrslu Hag­stof­unnar er ekki skýrt hverju sæt­ir, en til dæmis gæti frí­versl­un­ar­samn­ingur milli Íslands og Kína haft áhrif.