Banda­ríska stór­blaðið The New York Times fjall­aði um nýja stutt­skífu íslensku hljóm­sveit­ar­innar Vök, sem ber heitir „Tension“, á vef sínum um helg­ina. Í umfjöllun blaðs­ins segir að sann­ar­lega sé hægt að sjá lík­indi með Vök og bresku hljomsveit­inni The XX, sem fékk meðal ann­ars hin eft­ir­sóttu Merc­ury tón­list­ar­verð­laun fyrir frumraun sína sem kom út árið 2009. Plata The XX var auk þess í efsta sæti hjá The Guar­dian það árið yfir plötur árs­ins og í öðru sæti hjá NME.

Vök, sem sigr­aði Músiktil­raunir árið 2012, gaf út fimm laga stutt­skífu í Banda­ríkj­unum hjá Muse­Box útgáf­unni í síð­asta mán­uði. Tvö lag­anna eru á ensku en þrjú á Íslensku. Í umfjöllun The New York Times segir að Vök deili hægu tempói, hvís­landi kenn­kyns söng­konu, bassa­línum og daupr­legum spurn­ingum í textum sínum með The XX. Vök skeri sig hins vegar frá með stærri hljóð­heim þar sem sax­ó­fónn, hljóð­gervl­ar, bak­radd­ar­söngur og ýmis­legu öðru er laumað inn.

Mar­grét Rán Magn­ús­dótt­ir, söng­kona og helsti laga­höf­und­ur­inn í Vök, var í ítar­legu við­tali við Kjarn­ann í febr­úar síð­ast­liðnum.

Vök:  Tension: