Fjar­skipta­fyr­ir­tækið Nova stefnir á skrán­ingu á aðal­markað Kaup­hall­ar­innar á fyrri helm­ingi árs­ins og segir frá því í frétta­til­kynn­ingu í dag að und­ir­bún­ingur að skrán­ingu sé haf­inn. Félagið hefur gengið frá hluta­fjár­aukn­ingu, sem ætlað er að styðja við fram­tíð­ar­vöxt félags­ins og áfram­hald­andi fjár­fest­ingar „svo félagið við­haldi for­skoti sínu í fram­úr­skar­andi þjón­ustu til við­skipta­vina sinna.“

Sam­hliða hluta­fjár­aukn­ing­unni hafa núver­andi hlut­hafar selt hluta af eign sinni í félag­inu og eign­ast nýir hlut­hafar um 36 pró­sent hlut í félag­inu. Í til­kynn­ingu segir að meðal nýrra hlut­hafa séu sjóðir í rekstri Stefn­is, Íslands­sjóða og Lands­bréfa.

Mar­grét Tryggva­dóttir for­stjóri Nova segir aðspurð í sam­tali við Kjarn­ann að trún­aður ríki um kaup­verð þeirra hluta sem nýverið hafa verið seldir og að ekki sé mögu­legt að fá hlut­haf­alista félags­ins afhentan strax, en í til­kynn­ingu Nova segir að hlut­haf­alisti ásamt árs­reikn­ingi og ítar­legri fjár­hags­upp­lýs­ingum verði birtur í aðdrag­anda útboðs­ins.

Spennt fyrir skrán­ingu

Í til­kynn­ing­unni frá Nova er haft eftir Mar­gréti að vel heppnuð mark­aðs­setn­ing, góð þjón­usta og for­ysta í inn­leið­ingu nýj­ustu tækni hafi skilað Nova sterkri mark­aðs­hlut­deild og ánægðum og tryggum við­skipta­vin­um.

„Allir þessir þættir ásamt ein­stökum hópi starfs­fólks hefur skilað félag­inu miklum ávinn­ingi og tekju­vexti und­an­farin ár. Við fögnum því að fá góðan lið­styrk inní eig­enda­hóp­inn og erum spennt fyrir því að stíga það skref að skrá félagið á mark­að. Með skrán­ingu félags­ins fjölgar tæki­færum fjár­festa til að koma að upp­bygg­ingu fjar­skipta­inn­viða á Ísland­i,“ er einnig haft eftir Mar­gréti í til­kynn­ingu félags­ins.

Fjár­fest­inga­fé­lagið Pt Capital, sem er með höf­uð­stöðvar sínar í Alaska í Banda­ríkj­un­um, er stærsti eig­andi Nova. Hugh Short, for­stjóri Pt Capi­tal og stjórn­ar­for­maður Nova, segir ánægju ríkja með nýja hlut­hafa. Í til­kynn­ingu Nova er haft eftir Short að Pt Capi­tal og Nova hlakki til að vinna með nýjum hlut­höfum í átt að frek­ari vaxt­ar­tæki­færum og til að styðja við skrán­ingu á mark­að.

„Nova hefur sýnt stöðugan vöxt á fjar­skipta­mark­aði og hefur náð sterkri mark­aðs­hlut­deild þar. Okkar stefna er að virkir inn­viðir fjar­skipta­kerfis okkar séu í eigu Nova. Fyr­ir­tækið stefnir á fram­hald­andi vöxt og frek­ari stuðn­ing við upp­bygg­ingu á 5G fjar­skipta­kerf­i,“ er einnig haft eftir Short.