Nýjasta æðið á meðal aukýf­inga í ofur­snekkju­brans­an­um, er að panta sér eitt stykki foss í snekkj­una. Nei, þetta er ekki grín heldur stað­reynd sem frétta­mið­ill­inn Business Insider greinir frá.

Maður getur varla talist sem alvöru auð­kýf­ingur nema maður eigi eitt stykki ofur­snekkju. Fljót­andi höll er nefni­lega eitt helsta stöðu­tákn hinna vell­auð­ugu, þar sem þeir geta dvalið í íburði og vellyst­ing­um.

Snekkj­urn­ar, að minnsta kosti þær allra nýj­ustu og flottustu, eru svo ríku­lega vél­bún­aði búnar að þær geta náð allt að 30 sjó­mílna sigl­inga­hraða, eða hátt í 55 kíló­metra hraða á klukku­stund. Sam­kvæmt umfjöllun Business Insider kosta minnstu ofur­snekkj­urn­ar, án mik­ils íburð­ar, um 74 millj­ónir banda­ríkja­dala, eða hátt í tíu millj­arða íslenskra króna.

Ofur­snekkju­foss. Mynd: Heesen Yachts

Þegar þú átt auð­æfi sem slá við lands­fram­leiðslu lít­ils rík­is, getur þú hlaðið ofur­snekkj­una þína með ýmsum til­gangs­lausum auka­hlut­um, eins og fossi sem er nú heitasta við­bótin við vellyst­ing­arnar um borð í nýjum ofur­snekkjum heims­ins. En auð­kýf­ing­arnir vilja ekki bara fá foss­ana út frá fag­ur­fræði­legu sjón­ar­miði, heldur þykja foss­arnir einnig um margt praktísk­ir.

Til að mynda ef skrúfað er hressi­lega frá vatn­ingu getur foss­inn virkað eins og skjöldur og gert ljós­mynd­urum erf­ið­ara fyrir að ná myndum af frægum ofur­snekkju­far­þeg­um, hvort sem þeir eru kvik­mynda­stjörn­ur, kon­ung­bornir eða stjórn­mála­menn. Þá er auk þessa hægt að nota afl­mikla fossa sem skjái fyrir skjáv­ar­pa, hefur Business Insider eftir Söru Gioa­nola, fram­kvæmda­stjóra hjá hol­lenska snekkju­fram­leið­and­anum Heesen.