Nýr frétta- og mann­lífs­mið­ill 24 – Þínar fréttir mun hefja göngu sína næst­kom­andi mánu­dag, 11. októ­ber. Mið­ill­inn mun leggja áherslu „á dýpt og gæði í efn­isvali“.

Þetta má sjá á vef­síðu mið­ils­ins sem er kom­inn í loft­ið. Þar kemur fram að fjöl­mið­ill­inn bjóði upp á „öfluga rann­sókn­ar­blaða­mennsku, beittar grein­ar, áhuga­verð við­töl, umfjöllun um stjórn­mál, menn­ingu og heilsu“.

Fjöl­miðlum á Íslandi ber að skrá sig hjá Fjöl­miðla­nefnd, sem ann­ast eft­ir­lit með skrán­ing­ar­skyldu, veitir leyfi til hljóð- og mynd­miðl­unar og tryggir að lög­boðnar upp­lýs­ingar um allar fjöl­miðla­veitur séu til stað­ar.

Tilkynna þarf um starf­semi fjöl­miðla­veitu til nefnd­ar­innar áður en hún hefst. Á meðal þeirra upp­lýs­inga sem þarf að veita Fjöl­miðla­nefnd eru upp­lýs­ingar um eign­ar­hald á miðl­in­um, hverjir fyr­ir­svars­menn hans og ábyrgð­ar­menn eru, hver rit­stjórn­ar­stefnan er auk þess sem miðlar þurfa að setja sér reglur um rit­stjórn­ar­legt sjálf­stæði. Þær upp­lýs­ingar eru svo birtar á heima­síðu Fjöl­miðla­nefnd­ar.

Sam­kvæmt upp­lýs­ingum Kjarn­ans hefur nýi mið­ill­inn, 24, enn ekki verið skráður hjá Fjöl­miðla­nefnd.

Sam­kvæmt skrán­ing­ar­skír­teini léns­ins www.24.is er rétt­hafi þess ein­stak­lingur sem er skráður með NIC-auð­kennið KKG20-­IS. Sami ein­stak­lingur greiddi fyrir notkun á lén­inu.

Upp­fært 13. októ­ber 2021:

Í frétta­til­kynn­ingu um nýjan fjöl­mið­il, 24.is, kemur fram að rit­stjóri hans sé Krist­jón Kor­mákur Guð­jóns­son. Aðrir stofn­endur eru Tómas Val­geirs­son, Sunna Rós Víð­is­dóttir og Guð­bjarni Trausta­son, en sá síð­ast­nefndi er fram­kvæmda­stjóri útgáf­unn­ar.