Í nýju frum­varpi Sig­urðar Inga Jó­hanns­son­ar, sjáv­ar­út­vegs- og land­bún­að­ar­ráð­herra, um veiði­gjöld er gert ráð fyrir því að þau hald­ist óbreytt á næsta fisk­veiði­ári. Frum­varpið er til­búið til fram­lagn­ingar en mikil leynd hvílir yfir efni þess. Þetta kemur fram í Frétta­blað­inu í dag.

Þar segir að ekki sé ljóst hvort ó­breytt gjald vísi til þess að heild­ar­upp­hæð veiði­gjalda verði sú sama eða hvort um sé að ræða óbreyttrar krónu­tölu á teg­und­ir­. Ó­breytt krónu­tala myndi skila rík­is­sjóði mun hærri veiði­gjaldi, sér­stak­lega vegna auk­innar loðnu­veiði. Frétta­blaðið segir að heim­ildum sínum beri ekki saman um hvort frum­varpið verði til bráða­birgða eða hvort um var­an­lega lausn sé að ræða, en að Sig­urður Ingi vilji síð­ari kost­inn.

Til stóð að breyt­ingar á veiði­gjöldum yrðu hluti af frum­varpi um breyt­ingar á fisk­veiði­stjórn­ar­kerf­inu sem var til­búið í fyrra­haust en hefur ekki verið lagt fram vegna ágrein­ings innan rík­is­stjórn­ar­flokk­anna um efni þess. Í gildi er bráða­birgða­á­kvæði um veiði­gjöld og það þarf að fram­lengja fyrst fisk­veiði­stjórn­ar­frum­varpið verður ekki lagt fram. Það liggur á að leggja veiði­gjalda­frum­varpið fram, því frestur til þess rennur út í lok mars­mán­að­ar.