Vinnu­hópur á vegum Efna­hags- og fram­fara­stofn­un­ar­innar OECD gagn­rýnir íslensk stjórn­völd fyrir seina­gang við inn­leið­ingu samn­ings um báráttu gegn mútu­greiðslum til erlendra opin­berra starfs­manna í alþjóð­legum við­skipt­um. Morg­un­blað­ið ­greinir frá mál­inu.

Sam­kvæmt frétt blaðs­ins fá íslensk stjórn­völd frest fram í októ­ber til að skila skýrslu um inn­leið­ingu ábend­inga vinnu­hóps­ins, sem eru alls sautján tals­ins. Aðeins tvær þeirra hafa verið inn­leidd­ar, og það var árið 2012.

Í skrif­legu svari inn­an­rík­is­ráðu­neyt­is­ins við fyr­ir­spurn Morg­un­blaðs­ins segir að ýmsar ástæður séu fyrir því að inn­leið­ing samn­ings­ins sé ekki lengra kom­in. Ástæðan sé þó einkum sú að ekki hafi verið hægt að leggja nægi­legt fé og mann­afla til þess að sinna verk­efn­inu sökum efna­hags­á­stands­ins á Íslandi. Þess vegna hafi verk­efnið ekki verið í for­gangi.

Sam­kvæmt svari ráðu­neyt­is­ins sendi það OECD upp­lýs­ingar í síð­asta mán­uði um hvernig brugð­ist verði við til­mælum stofn­un­ar­inn­ar. Vinnu­hópur stofn­un­ar­innar taldi svörin ófull­nægj­andi og gaf í kjöl­farið út áður­nefnda yfir­lýs­ingu þar sem Ísland er hvatt til að inn­leiða að fullu til­mæli OECD fyrir októ­ber­lok.