Ögmundur Jón­as­son, þing­maður Vinstri grænna og fyrr­ver­andi ráð­herra, telur að leggja eigi allt að sjö­tíu pró­senta útgöngu­skatt á kröfu­hafa föllnu bank­anna, ætli þeir með hlut sinn úr landi. Ögmundur lýsir afstöðu sinni í færslu á vef­síðu sinni, undir fyr­ir­sögn­inni: „Við eða hrægamm­arn­ir?“

Þar vitnar þing­mað­ur­inn til nýlegra frétta af því að vog­un­ar­sjóður í eigu George Soros, sem hagn­að­ist gríð­ar­lega árið 1992 með því að fella breska pund­ið, hafi eign­ast kröfur í þrotabú Glitn­is. Ögmundur segir sjóð­inn hafa keypt köfur upp á 44 millj­arða króna á geng­inu 27 til 29 pró­sent af nafn­virði, sem þýði að sjóð­ur­inn hafi varið 13 millj­örðum til kaupanna og von­ist til að græða allt að þrjá­tíu millj­arða króna á við­skipt­un­um.

„Til eru þeir - og er ég í þeim hópi - sem þykir þetta vera eigna­upp­taka á kostnað íslensks sam­fé­lags sem hefur fengið að blæða illi­lega vegna hruns­ins. Þessi síð­ustu brask-­kaup nema þó mun hærra hlut­falli af nafn­virði en fyrri kaup sem fóru að sögn niður í 4% af nafn­virði. Þeir sem þá keyptu gerðu það í von um að ganga út með 96% í eigin vasa. Ekki gátu þeir vitað að það yrði svo gott en vogun vinnur vogun tap­ar. Þeir heita ekki vog­un­ar­sjóðir fyrir ekki neitt.„

Þá gefur Ögmundur lítið fyrir mál­flutn­ing þeirra sem talað hafa fyrir hóf­samri skatt­lagn­ingu á kröfu­hafa föllnu bank­anna. „Hrægamma­sjóðir eru nátt­úr­lega miklu betra nafn á þennan hóp en vog­un­ar­sjóðir því þeir sér­hæfa sig í að flögra yfir fyr­ir­tækjum og sam­fé­lögum sem lent hafa í skip­broti. Að tala um eigna­upp­töku hjá hræ­gömm­um  -einsog heyrst hef­ur-  þegar komið er í veg fyrir að þeir gangi út með ráns­feng sinn er nátt­úr­lega eins og hvert annað grín.

Skatt­lagn­ing­ar­töl­urnar sem stjórn­völd ættu að vera að tala um - og þar með kröfur þess aðila sem mest hefur verið hlunn­far­inn, íslensks sam­fé­lags - ættu að lág­marki að liggja í 60-70% ef þá ekki hærri.

Eða hvers vegna ættu þeir allra séð­ustu sem keyptu kröfur á 4% af nafn­virði að geta gengið út með fullar end­ur­heimt­ur? En jafn­vel þótt þeir fengju aðeins brota­brot af nafn­virði fjár­fest­ing­ar­innar væri gróði þeirra eftir sem áður gríð­ar­leg­ur. Sá sem kaupir á 4% af nafn­virði en selur á 27% og þyrfti síðan að greiða 70% skatt græðir 100% - tvö­faldar með öðrum orðum fjár­fest­ingu sína,“ skrifar Ögmundur á vef­síðu sína.