Ólafur Ólafsson var dæmdur í fangelsi á grundvelli misskilnings, segir eiginkona hans

domsmal-sigurdur.03-1.jpg
Auglýsing

Ingi­björg Krist­jáns­dótt­ir, eig­in­kona Ólafs Ólafs­son­ar, segir að eig­in­maður sinn hafi verið dæmdur í fjög­urra og hálfs árs fang­elsi í Hæsta­rétti í Al Than­i-­mál­inu svo­kall­aða á grund­velli mis­skiln­ings. Þetta kemur fram í grein sem hún ritar í Frétta­blaðið í dag sem ber heitið „Al Thani dóm­ur­inn og nið­ur­staða Hæsta­rétt­ar“.

Í grein­inni segir að í upp­hafs­for­sendur dóms­ins vísi Hæstiréttir til sím­tals í gögnum máls­ins þar sem ítrekað komi fram að rætt hafi verið við „Óla“ um nákvæma útfærslu við­skipt­anna. „Hæsti­réttur fer manna­villt í rök­stuðn­ingi sínum og ályktar að hér sé átt við eig­in­mann minn, Ólaf Ólafs­son, en hið rétta er að um er að ræða lög­fræð­ing með sama for­nafni sem er sér­fræð­ingur í lögum um kaup­hall­ar­við­skipt­i,“ segir Ingi­björg í grein sinni. Hún full­yrðir að bæði ákæru­valdið og hér­aðs­dómur hafi áttað sig á því að umrætt sím­tal var ekki við Ólaf, eig­in­mann henn­ar.

Ingi­björg telur þennan mis­skiln­ing vera grafal­var­legan þar sem Hæsti­réttur dragi, að hennar mati, mjög víð­tækar álykt­anir af sam­tal­inu strax í upp­hafi dóms síns.

Auglýsing

Hún veltir einnig fyrir sér af hverju Al Than­i-frænd­urnir tveir, sem málið er kennt við, voru ekki ákærð­ir. „Ef við gefum okkur að ákæran sé sann­leik­anum sam­kvæm, þá hljóta þessir menn að vera jafn sekir og aðrir er tengj­ast mál­in­u.“ Kjarn­inn skrif­aði frétta­skýr­ingu um ástæður þess skömmu eftir að dóm­ur­inn féll.

Opin­ber umræða hafði úrslita­á­hrif



Ingi­björg segir að Al Than­i-­málið hafi snemma lent í brennid­epli umræðu sem hafi mót­ast af miklum til­finn­inga­hita og reiði sem hafi komið í kjöl­far banka­hruns­ins. Hún hafi hins vegar alltaf staðið í þeirri trú að „op­in­ber umræða myndi ekki hafa úrslita­á­hrif á fag­lega vinnu dóm­ara Hæsta­rétt­ar. Ég trúði því og treysti að þeir stæðu fast á gildum rétt­ar­rík­is­ins að við­lögðu dreng­skap­ar­heiti sínu. Nið­ur­staða Hæsta­réttar kom því sem reið­ar­slag og gengur gegn gögnum máls­ins.“

Ingi­björg segir dóm­ara Hæsta­réttar allt í senn hafa klæðst fötum rann­sak­enda, sak­sókn­ara og dóm­ara í mál­inu. Það sé hins vegar nauð­syn­legt að tjá sig, gagn­rýna og segja skoðun sína, enda sé það einn af horn­steinum rétt­ar­rík­is­ins.  „Að mínu mati er þöggun um jafn­mik­il­vægt mál­efni hættu­leg sam­fé­lag­inu, hættu­leg leið til að kom­ast upp með ofbeldi af verstu teg­und.“

Frétta­blaðið ræðir einnig í for­síðu­frétt um grein­ina við lög­mann Ólafs, Þórólf Jóns­son. Hann seg­ist ekki geta séð annað en að miðað við orða­lag Hæsta­réttar þá sé mis­skiln­ingur að ræða varð­andi hvaða „Óla“ sé verið að ræða við og að „úr­slit máls­ins hefðu getað orðið önnur ef réttur skiln­ingur hefði verið á.“ Um sé að ræða grund­vall­ar­at­riði sem margt í mál­inu hvíli á. Næstu skref séu til skoð­un­ar. Hægt sé að óska eftir end­ur­upp­töku á grund­velli mis­skiln­ings.

Ingibjörg segir að ákæruvaldið hafi vitað að um rangan Óla hafi verið að ræða. Ólafur Þór Hauksson er sérstakur saksóknari. Ingi­björg segir að ákæru­valdið hafi vitað að um rangan Óla hafi verið að ræða. Ólafur Þór Hauks­son er sér­stakur sak­sókn­ari.

Aðstand­endur fóru saman yfir dóm­inn



Ingi­björg skipu­lagði fund með aðstand­endum sak­born­inga í mál­inu sem fram fór á Hilton hót­el­inu snemma í mars. Um 250 manns mættu á fund­inn. Við­skipta­blaðið greindi frá því á sínum tíma. Í umfjöllun blaðs­ins sagði að verj­andi Hreið­ars Más Sig­urðs­son­ar, Hörður Felix Harð­ar­son, og verj­andi Sig­urðar Ein­ars­son­ar, Ólafur Eiríks­son, hafi tekið til máls á fund­inum og farið yfir dóm­inn. Auk þess mætti Jón Steinar Gunn­laugs­son, fyrrum hæsta­rétt­ar­dóm­ari, á fund­inn og lýsti skoðun sinni á dómn­um.

Ólafur sagði sjálfur í sam­tali við Reuters frétta­stof­una skömmu eftir að dóm­ur­inn féll að íslenskir stjórn­mála­menn hafi gert banka­geir­ann að blóra­böggli fyrir þeirra eigin mis­tök­um. „Ég held að dóm­ar­arnir hafi fyrst ákveðið hver útkoman ætti að vera og svo skrifað dóminn“.

„Ís­land er mjög lítil land…­Veggirnir á milli stjórn­mála­manna og emb­ætt­is­manna eru þunn­ir. Stjórn­mála­menn­irnir ákváðu að setja allan fókus á banka­geirann, en að rann­saka ekki það sem aflaga fór í efna­hags­kerf­inu, sem er á þeirra ábyrgð“.

Ingibjörg veltir fyrir sér í grein sinni af hverju Al Thani-frændurnir voru ekki ákærðir. Ingi­björg veltir fyrir sér í grein sinni af hverju Al Than­i-frænd­urnir voru ekki ákærð­ir.

Alvar­leg­ustu efna­hags­brot Íslands­sög­unnar



Dómur féll í Al Than­i-­mál­inu þann 12. febr­úar síð­ast­lið­inn. Þar voru þeir Sig­urður Ein­ars­son, fyrr­ver­andi stjórn­ar­for­maður Kaup­þings, Hreiðar Már Sig­urðs­son, fyrr­ver­andi for­stjóri Kaup­þings, Magnús Guð­munds­son, fyrr­ver­andi for­stjóri Kaup­þings í Lúx­em­borg, og Ólafur Ólafs­son, sem átti tæp­lega tíu pró­sent hlut í Kaup­þingi fyrir fall hans, voru allir dæmdir sek­ir. Hreiðar Már fékk fimm og hálfs árs fang­elsi, Sig­urður fjögur ár, Ólafur og Magn­ús ­fjögur og hálft ár.

Al-T­hani mál­ið, sem er eitt umfangs­mesta efna­hags­brota­mál sem komið hefur á borð dóm­stóla hér á landi, á rætur að rekja til hluta­bréfa­kaupa sheikh Mohammad Bin Khalifa Al-T­hani frá Katar hinn 22. sept­em­ber 2008 en félag hans keypti 5,01 pró­senta hlut í Kaup­þingi banka fyrir 25,7 millj­arða króna með láni frá bank­an­um.

Í dómi Hæsta­réttar um ákvörðun refs­ingar segir m.a.: „Hátt­semi ákærðu sam­kvæmt þessum köflum ákæru fól í sér alvar­legt trún­að­ar­brot gagn­vart stóru almenn­ings­hluta­fé­lagi og leiddi til stór­fellds fjár­tjóns. Brotin sam­kvæmt III. og IV. kafla ákæru beindust í senn að öllum almenn­ingi og fjár­mála­mark­að­inum hér á landi í heild og verður tjón­ið, sem leiddi af þeim beint og óbeint, ekki metið til fjár. Þessi brot voru stórum alvar­legri en nokkur dæmi verða fundin um í íslenskri dóma­fram­kvæmd varð­andi efna­hags­brot.“

Allir hinir dæmdu utan við Magnús Guð­munds­son hafa hafið afplánun á dómum sín­um.

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Bogi Nils Bogason, forstjóri Icelandair
Bætur frá Boeing vega þungt
Afkoma Icelandair fyrir vaxtagreiðslur og skatta var jákvæð um hálfan milljarð íslenskra króna á nýliðnum ársfjórðungi, þökk sé bótagreiðslum frá Boeing.
Kjarninn 27. október 2020
Milljónir hektara af regnskógum í Indónesíu og Malasíu hafa verið ruddir síðustu ár til vinnslu pálmaolíu.
Vilja takmarka notkun pálmaolíu í íslenskri framleiðslu
Pálmaolía er þrisvar sinnum verri en jarðefnaeldsneyti þegar kemur að losun gróðurhúsalofttegunda. Notkun hennar sem eldsneyti hefur aukist síðustu ár og hópur þingmanna vill banna hana í lífdísil og takmarka í allri framleiðslu á Íslandi.
Kjarninn 27. október 2020
Óróinn kokkaður upp inni á skrifstofu SA
„Sú hætta er raunverulega fyrir hendi að ungt fólk finni ekkert að gera eftir nám. Við getum þá siglt inn í aðstæður sem eru svipaðar og í sunnanverðri Evrópu þar sem atvinnuleysi ungs fólks er gríðarlegt.“ Þetta segir Þórunn Sveinbjarnardóttir.
Kjarninn 27. október 2020
Lilja Alfreðsdóttir
Fjárfesting í fólki og nýsköpun ræður úrslitum
Kjarninn 27. október 2020
Nær helmingur atvinnulausra er undir 35 ára
Atvinnuleysi yngri aldurshópa er töluvert meira en þeirra eldri, samkvæmt tölum Vinnumálastofnunar og Hagstofu. Munurinn er enn meiri þegar tekið er tillit til atvinnulausra námsmanna.
Kjarninn 27. október 2020
Gunnþór B. Ingvason, framkvæmdastjóri Síldarvinnslunnar.
Samherja-blokkin bætir enn við sig kvóta – heldur nú á 17,5 prósent
Útgerð í eigu Síldarvinnslunnar hefur keypt aðra útgerð sem heldur á 0,36 prósent af heildarkvóta. Við það eykst aflahlutdeild þeirra útgerðarfyrirtækja sem tengjast Samherjasamstæðunni um sama hlutfall.
Kjarninn 26. október 2020
Björn Gunnar Ólafsson
Uppskrift að verðbólgu
Kjarninn 26. október 2020
Flóttafólk mótmælti í mars á síðasta ári.
Flóttafólk lýsir slæmum aðstæðum í búðunum á Ásbrú
Flóttafólk segir Útlendingastofnun hafa skert réttindi sín og frelsi með sóttvarnaaðgerðum. Stofnunin segir þetta misskilning og að sótt­varna­ráð­staf­anir mæl­ist eðli­lega mis­vel fyrir. Hún geri sitt besta til að leiðrétta allan misskilning.
Kjarninn 26. október 2020
Meira úr sama flokkiInnlent
None