Les­endur Kjarn­ans geta frá og með deg­inum í dag greitt fasta upp­hæð mán­að­ar­lega til fjöl­mið­ils­ins til að efla starf­semi hans. Í boði er að greiða þrjár mis­mund­andi upp­hæð­ir. Sam­hliða hefur Þór­unn Elísa­bet Boga­dóttir verið ráðin aðstoð­ar­rit­stjóri Kjarn­ans og Birna Anna Björns­dóttir tekið sæti í stjórn hans.

Kjarn­inn hefur nú verið starf­andi í um 20 mán­uði. Á þeim tíma hefur hann ein­beitt sér að umfjöllun um brýn­ustu mál sam­fé­lags­ins með gagn­rýnum og upp­lýsandi hætti. Við­tök­urnar hafa verið vonum framar og ljóst að Kjarn­inn er orð­inn fastur hluti af frétta­neyslu Íslend­inga.

Efni Kjarn­ans hefur á þessum tíma verið aðgengi­legt öllum án end­ur­gjalds. Hjalti Harð­ar­son, fram­kvæmda­stjóri Kjarn­ans, segir að fjöl­margir les­endur hafi á þeim tíma sett sig í sam­band og óskað eftir að fá að greiða fyrir þá þjón­ustu sem Kjarn­inn veit­ir. „Þessum óskum hefur fjölgað mjög und­an­farnar vik­ur. Vegna þeirra, og metn­aðar okkar til að bæta veru­lega í starf­sem­ina, höfum við ákveðið að bjóða áhuga­sömum upp á að greiða mán­að­ar­lega til Kjarn­ans. Með því styðja þeir við frjálsa, gagn­rýna, opna og óháða fjöl­miðlun á Íslandi. Kjarn­inn.is verður eftir sem áður opin og aðgengi­leg öll­u­m.“

Hægt er að greiða til Kjarn­ans hér.

Hjálpa til við að móta fram­tíð Kjarn­ans

Þeir sem greiða fram­lag til Kjarn­ans munu einnig fá að taka þátt í við­horfskönn­unum sem hafðar verið til hlið­sjónar við stefnu­mót­un. Þannig fá les­endur Kjarn­ans að hjálpa til við að móta fram­tíð Kjarn­ans með beinum hætti. Í nán­ustu fram­tíð verður svo boðið upp á aukna þjón­ustu við þá sem greiða fram­lag.

Öll fram­lög fara í að efla starf­semi Kjarn­ans: ráða fleira fólk, auka frétta­þjón­ustu og fjölga þeim fjöl­miða­vörum sem við bjóðum upp á. Því fleiri sem taka þátt, því stærri, metn­að­ar­fyllri og umsvifa­meiri Kjarni.

Þór­unn ráðin aðstoð­ar­rit­stjóri og Birna Anna í stjórn

 

Birna Anna Björns­dótt­ir, nýr stjórn­ar­maður í Kjarn­an­um.

Þór­unn Elísa­bet Boga­dóttir hefur verið ráðin aðstoð­ar­rit­stjóri Kjarn­ans. Hún hefur starfað við fjöl­miðla frá árinu 2007 og tók meðal ann­ars þátt í stofnun Kjarn­ans sum­arið 2013. Þór­unn hefur und­an­farna mán­uði starfað hjá Við­skipta­blað­inu. Hún er með B.A. gráðu í stjórn­má­lá­fræði frá Háskóla Íslands og MSc gráðu í alþjóð­legum og evr­ópskum stjórn­málum frá Edin­borg­ar­há­skóla.

Þórður Snær Júl­í­us­son, rit­stjóri Kjarn­ans, segir ráðn­ing­una mjög mik­il­væga fyrir Kjarn­ann. „Þór­unn þekkir okkur vel og er gríð­ar­lega reyndur blaða­mað­ur. Hún kemur með aukna breidd og mikil gæði inn í teymið og mun styrkja Kjarn­ann til muna.“

Þá hefur Birna Anna Björns­dótt­ir, sem nýverið keypti 7,2 pró­sent hlut í Kjarn­anum miðlum ehf., sest í stjórn félags­ins. Þar með eru kynja­hlut­föll stjórn­ar­manna í Kjarn­anum jöfn, en fyrir í stjórn eru Hjálmar Gísla­son stjórn­ar­for­mað­ur, Vil­hjálmur Þor­steins­son og Guð­rún Inga Ing­ólfs­dótt­ir.