Ótt­arr Proppé, þing­maður Bjartrar fram­tíð­ar, hefur ákveðið að bjóða sig fram til emb­ættis for­manns Bjartrar fram­tíðar á árs­fundi flokks­ins 5. sept­em­ber næst­kom­andi. Þetta kemur fram í stöðu­upp­færslu frá Ótt­ari á Face­book.

Þar seg­ist Óttar hafa óbilandi trölla­trú á erindi flokks­ins. "Það er þörf og eft­ir­spurn eftir frjáls­lyndu, grænu og mann­rétt­indasinn­uðu stjórn­mála­afli. Björt fram­tíð leggur áherslu á póli­tíska sið­bót og hefur stað­fasta sýn á lang­tíma­hugsun og það að almanna­hags­munir standi framar sér­hags­mun­um. Ég vil gera mitt í þess­ari bar­átt­u."

Guð­laug Krist­jáns­dótt­ir, for­maður bæj­ar­stjórnar í Hafn­ar­firði og bæj­ar­full­trúi Bjartrar fram­tíð­ar, hafði áður til­kynnt að hún sækt­ist eftir því að vera í for­ystu flokks­ins, annað hvort sem for­maður eða stjórn­ar­for­mað­ur. Þrír aðrir hafa til­kynnt fram­boð til stjórn­ar­for­manns ­Bjartrar fram­tíð­ar. Þau eru frá Kar­ólínu Helgu Sím­on­ar­dótt­ur, Matth­í­asi Frey Matth­í­assyni og Preben Pét­urs­syni.

Kjarn­inn greindi frá því fyrr í dag að Guð­mundur Stein­gríms­son, for­maður Bjartrar fram­tíð­ar, hafi til­kynnt flokks­mönnum að hann muni ekki ­leggja fram til­lögu um róter­ingu á æðstu emb­ættum flokks­ins á árs­fundi hans sem fram fer 5. sept­em­ber næst­kom­andi. Það gerði hann með stöðu­upp­færslu á lok­uðu Face­book-­svæði Bjartrar fram­tíðar fyrr í dag.

Guð­mundur segir þar að róter­ing muni hvort eð er eiga sér stað í ljósi þess að hann muni hætta sem for­mað­ur, Róbert Mars­hall sem þing­flokks­for­maður og Mar­grét Mart­eins­dóttir sem stjórn­ar­for­mað­ur. Í stað til­lögu um róter­ingu æðstu emb­ætta ætlar Guð­mundur að leggja til að stofnuð verði laga­breyt­ing­ar­nefnd og að til­laga hans um róter­ingu emb­ætta verði sett inn í hana til umfjöll­un­ar. Því bíði ákvörðun um að setja róter­ingu í lög flokks­ins þarnæsta árs­fund­ar.