Kyn­slóð Breta undir 34 ára aldri standa í dag frammi fyrir verri efna­hags­horfum en fjöldi ann­arra kyn­slóða á und­an. Atvinnu­mark­aður og tekju­mögu­leikar hafa versnað mjög í land­inu á síð­ast­liðnum fimm árum. Það verður erf­ið­ara fyrir þessa ungu kyn­slóð Breta að fóta sig heldur en aðrar á und­an.

Þetta er nið­ur­staða skýrslu nefndar um jöfnuð og mann­rétt­indi í Bret­landi og frétta­vef­ur­inn Guar­dian greinir frá. Skýrslan ber yfir­skrift­ina „Er Bret­land sann­gjarn­ara?“. Bent er á í frétt Guar­dian að atvinnu­horfur hafi farið versn­andi frá 2010, eða frá því að sam­steypu­stjórn leidd af Íhalds­flokk­inum var mynd­uð.

Er það nið­ur­staða nefnd­ar­inn­ar, sem er veitt vald af breska þing­inu til að bregð­ast við mis­munun hvers kon­ar, að þótt aðstæður í Bret­landi séu í dag sann­gjarn­ari fyrir marga, þá hafi fram­för lífs­gæða staðnað eða farið aftur í til­viki ákveð­inna sam­fé­lags­hópa. Bretar undi 34 ára aldri hafi fengið á sig þyngsta höggið í kjöl­far krepp­unnar og allt til árs­ins 2013. Þessi ald­urs­hópur tók á sig mestu launa­lækk­un­ina, var lík­leg­astur til að missa vinn­una, bjó við verri húsa­kost og upp­lifði aukna fátækt.

Atvinnu­leysi í Bret­landi mælist 14,8 pró­sent hjá fólki á aldr­inum 16 til 24 ára. Það er um pró­sentu­stigi hærra en í febr­úar 2008, fyrir upp­haf krepp­unn­ar.

Umfjöllun The Guar­dian má lesa hér.