Flug­vél frá erlendu flug­fé­lagi lenti með ein­stak­ling, sem tal­inn var smit­aður af ebólu, á Kefla­vík­ur­flug­velli í dag. Unnið var sam­kvæmt við­bragðs­á­ætlun vegna ebólu, vegna ótta við að ein­stkling­ur­inn væri sýktur af ebólu. Þær áhyggjur reynd­ust hins vegar ekki á stoðum reist­ar, að því er fram kemur í til­kynn­ingu frá Almanna­varna­deild Rík­is­lög­reglu­stjóra, sem send var fjöl­miðlum nú rétt í þessu. Til­kynn­ing­una má sjá hér að neð­an.

Klukkan 13:13 barst almanna­varna­deild rík­is­lög­reglu­stjóra til­kynn­ing um að flug­vél hefði lent á Kefla­vík­ur­flug­velli með veikan ein­stak­ling. Grunur lék á að um ebólu smit­aðan ein­stak­ling hafi verið að ræða. Flug­vél­inni var lagt á flug­vernd­ar­svæði, sem er lokað svæði, á Kefla­vík­ur­flug­velli. Íslenskur læknir sem fór um borð í vél­ina hefur stað­fest að ekki er um ebólu­smit­aðan ein­stak­ling að ræða.

Unnið var eftir við­bragðs­á­ætlun vegna ebólu sem verið hefur í vinnslu und­an­far­ið. Sótt­varna­lækni var gert við­vart sem og Land­spít­ala og Heil­brigð­is­stofnun Suð­ur­nesja. Sam­hæf­ing­ar­stöð­inni í Skóg­ar­hlíð og aðgerða­stjórn í umdæmi lög­reglu­stjór­ans á Suð­ur­nesjum voru virkj­aðar vegna atburð­ar­ins.

Flug­vélin var frá erlendu flug­fé­lagi og var ekki að koma frá einu að þeim þremur ríkjum þar sem ebóla er útbreidd. Mað­ur­inn reyndis vera að koma frá Suð­ur­-Afr­íku og var ekki með ein­kenni sem sam­ræm­ast ebólu.