Ríkið hefur út árið til að semja við bankana um skuldaniðurfellingu

skuldanidurfelling.jpg
Auglýsing

Íslenska ríkið hefur enn ekki samið við íslensku við­skipta­bank­ana þrjá um aðferð­ar­fræð­ina sem beita á við útreikn­inga á virði þeirra hús­næð­is­lána sem á að höf­uð­stólslækka sam­kvæmt leið­rétt­inga­á­formum rík­is­stjórn­ar­inn­ar. Þetta hefur Kjarn­inn stað­fest innan úr bönk­un­um. Þrátt fyrir það stendur til að kynna opin­ber­lega nið­ur­stöðu leið­rétt­ing­ar­innar næst­kom­andi mánu­dag, 10. nóv­em­ber, og umsækj­endur eiga að geta séð hvað þeir fá í sinn hlut dag­inn eft­ir, 11. nóv­em­ber.

Sam­kvæmt upp­lýs­ingum frá Tryggva Þór Her­berts­syni, verk­efna­stjóra leið­rétt­ing­ar­inn­ar, þarf sam­komu­lag við við­skipta­bank­ana ekki að liggja fyrir fyrr en 31. des­em­ber næst­kom­andi. Því er hægt að til­kynna fólki um hvað það á að fá á þriðju­dag þótt enn eigi eftir að semja við bank­ana.

Upp­haf­lega átti að til­kynna um nið­ur­stöður leið­rétt­ing­ar­innar um miðjan októ­ber. Tryggvi Þór sagði í sam­tali við Kjarn­ann í byrjun síð­asta mán­aðar að þá myndu 95 pró­sent þeirra sem sóttu um höf­uð­stólslækkun verð­tryggðra lána fá að vita hvort og þá hversu mikið þeir fá. Það hefur síðan frest­ast nokkrum sinnum og nú hefur verið gefin út loka­dag­setn­ing, þriðju­dag­ur­inn 11. nóv­em­ber.

Auglýsing

Ekki til­kynnt sem rík­is­að­stoð



Í mars á þessu ári upp­lýstu íslensk stjórn­völd  Eft­ir­lits­stofnun EFTA (ESA) um skulda­leið­rétt­ing­ar­á­form sín. Ástæðan er sú að að sam­kvæmt samn­ingnum um Evr­ópska Efna­hags­svæðið (EES) þarf  að til­kynna um alla aðstoð hins opin­bera sem gæti flokk­ast sem rík­is­að­stoð til eft­ir­lits­ins.

Sam­kvæmt Andr­eas Kjelds­berg Pihl, upp­lýs­inga­full­trúa ESA, voru þær upp­lýs­ingar sem stofn­un­inni voru veittar þá ekki nægj­an­legar til þess að hún geti ákvarðað hvort aðgerð­irnar telj­ist rík­is­að­stoð eða ekki. Það sé íslenskra stjórn­valda að til­kynna form­lega til ESA ef aðgerðin mun flokk­ast sem rík­is­að­stoð. Slík form­leg til­kynn­ing hefur ekki borist. ESA fylgist hins vegar með fram­vindu máls­ins.

Bank­arnir gæt­u „hagnast“ á skulda­leið­rétt­ing­unni



Ástæða þess að ESA gerir það er sú að mjög mis­mun­andi er hvort lán­veit­endur séu að hagn­ast nið­ur­greiðslu rík­is­sjóðs á höf­uð­stóli hús­næð­is­lána. Í lögum um lækkum höf­uð­stóls verð­tryggðra hús­næð­is­lána sem sam­þykkt voru í maí síð­ast­liðnum segir að miða skuli við „að hvorki skap­ist hagn­aður né tap hjá samn­ings­að­ila vegna greiðslu rík­is­sjóðs á leið­rétt­inga­hluta láns“.

Þar sem ekki liggur fyrir sam­komu­lag við íslensku við­skipta­bank­ana um aðferð­ar­fræð­ina sem beita á við útreikn­inga á virði þeirra hús­næð­is­lána sem á að höf­uð­stólslækka sam­kvæmt leið­rétt­inga­á­formum rík­is­stjórn­ar­innar er ekki ljóst hvort það mark­mið hafi náðst.

Við­ræð­urnar snú­ast um að við­skipta­bank­arnir fái ekki meira til baka af sumum lánum sínum vegna leið­rétt­ing­ar­innar en þeir gátu vænst ef hún hefði ekki orðið að veruleika..

Við­ræð­urnar snú­ast um að við­skipta­bank­arnir fái ekki meira til baka af sumum lánum sínum vegna leið­rétt­ing­ar­innar en þeir gátu vænst ef hún hefði ekki orðið að veru­leika. Þeir eiga ekki að„hagnast“ á fram­kvæmd­inn­i.  Sumir líf­eyr­is­sjóðir sem eru á fyrsta veð­rétti á lánum til sjóðs­fé­laga sína telja sig sömu­leiðis geta „tap­að“ hins á því að fá þau upp­greidd, þar sem þeim standa ekki til boða sam­bæri­legir fjár­fest­inga­mögu­leikar fyrir það fé sem þeir fá í stað­inn. Við­ræð­urnar eiga að tryggja að svo verði ekki.

Samn­ings­við­ræður  þeirra sem sjá um leið­rétt­ing­ar­á­formin við Lands­bank­ann, Íslands­banka og Arion banka standa enn yfir og unnið er að útreikn­ingum með það fyrir augum að lausn náist.

Leið­rétt­ing verð­tryggðra hús­næð­is­lána snýst um að rík­is­sjóður greiðir um 72 millj­arða króna í nið­ur­færslur á verð­tryggðum hús­næð­is­lán­um. Til þess að eiga mögu­leika á leið­rétt­ingu þurfti fólk að sækja um og rann umsókn­ar­frestur út  1. sept­em­ber síð­ast­lið­inn. Alls bár­ust um 69 þús­und umsóknir áður en frest­ur­inn rann út. Á bak­við þær standa um 105 þús­und manns. Verði allar umsókn­irnar sam­þykktar mun hver og einn fá rúm­lega eina milljón króna í sinn hlut að með­al­tali.

Við­bót klukkan 17:30:

Fyrir mis­tök var því haldið fram í frétt­inni að við­ræður við við­skipta­banka snú­ist um að þeir geti hagn­ast á leið­rétt­ing­unni og að líf­eyr­is­sjóðir gætu tapað á henni. Þar átti vita­skuld að standa að við­ræð­urnar snú­ist um að bank­arnir hagn­ist ekki og að líf­eyr­is­sjóð­irnir tapi ekki. Þetta hefur verið leið­rétt í text­an­um.

Fyrir einu ári síðan: „Við eigum Ísland, það eina sem við eigum eftir að gera er að taka það“
Lífeyrissjóðir landsins eiga stóran hluta af íslensku atvinnulífi. Hávær krafa hefur lengi verið um að þeir verði virkari eigendur og nýti sér þau völd sem í því felast til að beita sér fyrir lífsgæðum sjóðsfélaga í nútíð ekki síður en í framtíð.
Kjarninn 21. september 2019
Bólusótt í hættu
Er réttlætanlegt að geyma veirur eins og bólusótt, sem geta valdið jafnmiklum mannskaða og raun ber vitni?
Kjarninn 21. september 2019
Tæknivarpið
Tæknivarpið
Tæknivarpið – Uppfærðar græjur, Sambandið og Apple Arcade
Kjarninn 21. september 2019
Birgir Birgisson
Reið hjól
Kjarninn 21. september 2019
Þjálfa þarf peningahund til að berjast gegn peningaþvætti
Embætti tollstjóra skortir bæði þekkingu og úrræði til að geta almennilega haft eftirlit með smygli á reiðufé til Íslands. Á meðal þeirra úrræða sem lagt er til að ráðist verði í er að þjálfa peningahund.
Kjarninn 21. september 2019
Klikkið
Klikkið
Klikkið - Að iðka mannréttindi
Kjarninn 21. september 2019
Athuga hvar eftirlitsaðilar gera ónauðsynlegar kröfur til matvæla
Umhverfisráðherra hefur hrundið af stað aðgerðum til að vinna gegn matarsóun á Íslandi. Meðal annars verður gerð athugun á því hvar eftirlitsaðilar gera mögulega ónauðsynlegur kröfur til matvælaöryggis sem ýtt gætu undir matarsóun.
Kjarninn 21. september 2019
Brim-flétta KS fagnaðarefni fyrir Skagfirðinga
Eftir að hafa keypt hlutabréf í Brimi, og selt nokkrum vikum síðar, hefur Kaupfélag Skagfirðinga styrkt stöðu sína.
Kjarninn 21. september 2019
Meira úr sama flokkiInnlent
None