Þor­gerður Katrín Gunn­ars­dótt­ir, for­maður Við­reisn­ar, segir að meiri­hluti sé fyrir því á þingi að ráð­ast ann­ars vegar í frek­ari virkjana­gerð í sam­ræmi við ramma­á­ætlun og að breyta fisk­veiði­stjórn­un­ar­kerf­in­u. 

Í ára­móta­grein sinni í Morg­un­blað­inu segir hún að það gangi ekki lengur að ýta öllum ágrein­ings­málum á undan sér vegna tregðu jað­ar­flokka í rík­is­stjórn­inni til að gera mála­miðl­an­ir. Hún leggur því til að annar flokk­ur­inn, Vinstri græn, gefi eftir í and­stöðu sinni gagn­vart virkj­unum gegn því að hinn, Sjálf­stæð­is­flokk­ur­inn, gefi eftir varð­stöðu sína fyrir óbreytt fisk­veiði­stjórn­un­ar­kerfi. Fyrir báðum mál­unum sé ótví­ræður meiri­hluti á Alþing­i. 

Þorgerður Katrín segir að til þess að vera for­ystu­ríki í orku­skiptum þurfi Íslend­ingar að flytja og fram­leiða meira raf­magn. „Það þurfum við líka að gera til þess að auka verð­mæta­sköpun í marg­vís­legum hug­verka­iðn­aði sem bygg­ist á orku­notk­un. Þetta vilja all­ir. En það er ágrein­ingur um leið­ir. Það er meiri­hluti á Alþingi fyrir nauð­syn­legum virkj­unum til þess að ná þessu tví­þætta mark­miði. Í sam­ræmi við ramma­á­ætl­un. En til þess að hann geti orðið virkur þarf VG að falla frá stífri and­stöðu við öll ný skref. Ákvarð­anir um þetta þarf að taka á fyrri hluta næsta árs þannig að unnt verði að áfanga­skipta fram­kvæmdum til árs­ins 2030. Mál­þóf milli stjórn­ar­flokk­anna fram yfir mitt kjör­tíma­bil er of dýru verði keypt.“

For­maður Við­reisnar segir að það sé komið Sjálf­stæð­is­flokknum að láta af and­stöðu við allar breyt­ingar á fisk­veiði­stjórn­un­ar­kerf­inu í stað­inn fyrir fram­gang í orku­mál­um. „Það er ríf­legur þing­meiri­hluti fyrir tíma­bind­ingu veiði­rétt­ar­ins, eðli­legu gjaldi fyrir einka­rétt og nýjum reglum til þess að auka gegn­sæi, hindra of mikla sam­þjöppun og tryggja dreifð­ari eign­ar­að­ild. Það má líka ætla drjúgan stuðn­ing á þingi við mark­aðs­gjald fyrir veiði­heim­ildir en hátt í 90 pró­sent þjóð­ar­innar styðja þá leið. Ákvarð­anir um þessar mik­il­vægu breyt­ingar er unnt að taka á vor­þing­inu sam­hliða ákvörð­unum um nauð­syn­lega orku­öfl­un. [...] Mála­miðlun af þessu tagi er eina leiðin fyrir nýjan sjáv­ar­út­vegs­ráð­herra til að kom­ast hjá því að skila sjáv­ar­út­vegs­ráðu­neyt­inu í sömu sporum og hún tók við því.“