Óvíst er hvort Sig­mar Guð­munds­son, rit­stjóri frétta­skýr­inga- og þjóð­máls­þátt­ar­ins Kast­ljós, snúi aftur til fyrri starfa á RÚV. Rakel Þor­bergs­dótt­ir, frétta­stjóri RÚV, segir í sam­tali við Séð og Heyrt að staðan verði metin þegar Sig­mar komi úr með­ferð. Í maí greindi Sig­mar op­in­ber­lega frá bar­áttu sinni við alkó­hól­isma og að hann hefji með­ferð á Vogi.

„Fram­tíð Sig­mars í Kast­ljós­inu er ekki bara undir okkur kom­in. Vel getur verið að hann vilji fara að gera eitt­hvað allt ann­að,“ segir Rakel í sam­tali við blaðið og ítrekar að ekk­ert hafi verið ákveðið í þessum efn­um.

Þóra Arn­órs­dóttir hefur gegnt starfi rit­stjóra Kast­ljóss í fjar­veru Sig­mars. Þóra hefur starfað við dag­skrár­gerð og frétta­mennsku árum sam­an, og lengst af í Kast­ljós­inu, síð­ast sem aðstoð­ar­rit­stjóri. Hún snéri aftur í Kast­ljósið haustið 2013 eftir að hafa fengið leyfi frá störfum til að bjóða sig fram til for­seta árið 2012 og fæð­ing­ar­or­lof. Þóra dvaldi hluta af síð­asta vetri við í banda­ríska háskól­anum Yale. Þar tók hún þátt í nám­skeiði sem nefnd­ist „Yale World Fell­ows“.