Pæl­ing dags­ins er hluti af dag­legum frétta­pósti Kjarn­ans, þar sem farið er yfir það helsta í inn­lendum og erlendum frétt­um. Í pæl­ingu dags­ins er athygl­is­verðum hlutum velt upp.

Sig­mundur Davíð Gunn­laugs­son for­sæt­is­ráð­herra sagði á Alþingi í gær að ákvæði verði sett í stjórn­ar­skrá sem segi til um það, að sjáv­ar­út­vegsauð­lindin sé í þjóð­ar­eigu. Þetta sagði Sig­mundur Dav­íð, eftir fyr­ir­spurnir Árna Páls Árna­son­ar, for­manns Sam­fylk­ing­ar­inn­ar, um mál­ið. Þetta er um margt merki­leg yfir­lýs­ing. Ekki er víst Sjálf­stæð­is­menn séu allir sam­mála þessu. Lengi vel hafa lög­fræð­ingar deilt um skil­grein­ingar á þjóð­ar­eign, og hvað orðið í reynd þýði. Sig­urður Lín­dal er í hópi þeirra sem bent hafa á, að ekki sé hægt að segja að þjóð eigi eitt­hvað, heldur hljóti þjóð­ar­eign að skilj­ast ein­fald­lega sem rík­is­eign. Kemur þetta meðal ann­ars fram í grein Sig­urðar í Úlf­ljóti frá árinu 2012. Þessi sjón­ar­mið hafa alla tíða átt mikið fylgi innan raða Sjálf­stæð­is­flokks­ins. Ekki er því víst að það gangi þegj­andi og hljóða­laust að breyta stjórn­ar­skránni á þann veg, að sjáv­ar­út­vegsauð­lindin verði skil­greind sem þjóð­ar­eign.

Frétta­póstur Kjarn­ans kemur í póst­hólfið þitt á hverjum morgni.