Pæl­ing dags­ins er hluti af dag­legum frétta­pósti Kjarn­ans, þar sem farið er yfir það helsta í inn­lendum og erlendum frétt­um. Í pæl­ingu dags­ins er athygl­is­verðum hlutum velt upp.

Víglundur Þor­steins­son setti íslenskt sam­fé­lag á hlið­ina á dög­unum þegar hann reið inn á völl­inn vopn­aður „nýj­um“ gögnum sem hann sagði sanna að stjórn­mála­menn, emb­ætt­is­menn ráðu­neyta og Fjár­mála­eft­ir­litið hefðu framið marg­vís­leg og stór­felld lög­brot við end­ur­reisn föllnu bank­anna í kjöl­far efna­hags­hruns­ins. Víglundur full­yrti meðal ann­ars að íslensk stjórn­völd hefðu snuprað almenn­ing í land­inu um hátt í þrjú hund­ruð millj­arða króna með því að afhenda þrota­búum föllnu bank­anna eignir þeirra á hrakvirði.

Sig­mundur Davíð Gunn­laugs­son for­sæt­is­ráð­herra var spurður út í ásak­anir Víg­lundar í útvarps­þætt­inum Bít­inu á Bylgj­unni nokkrum klukku­stundum eftir að Víglundur hafði sent frá sér gögn­in, sama morgun og ­um­boðs­maður Alþingis kynnti nið­ur­stöður frum­kvæð­is­at­hug­unar á sam­skiptum Hönnu Birnu Krist­jáns­dótt­ur, þáver­andi inn­an­rík­is­ráð­herra, og Stef­áns Eiríks­son­ar, þáver­andi lög­reglu­stjóra höf­uð­borg­ar­svæð­is­ins, í tengslum við rann­sókn lög­reglu á leka­mál­inu svo­kall­aða, í beinni sjón­varps­út­send­ingu af fundi stjórn­skip­un­ar- og eft­ir­lits­nefndar Alþing­is.

Sig­mundur tók undir ásak­anir Víg­lund­ar, sagði þær grafal­var­legar og að mik­il­vægt væri að málið yrði rann­sak­að. Ef til vill voru við­brögð for­sæt­is­ráð­herra eilítið mis­ráð­in, því með því að taka undir mál­stað Víg­lundar gaf hann ásök­unum á hendur fjölda emb­ætt­is­manna og starfs­manna ráðu­neyta og rík­is­stofn­anna, um óheil­indi í starfi og bein­línis lög­brot, byr undir báða vængi.

Í nýrri skýrslu Brynjars Níels­son­ar, þing­manns Sjálf­stæð­is­flokks­ins, sem hann kynnti stjórn­skip­un­ar- og eft­ir­lits­nefnd Alþingis í dag, er full­yrð­ingum Víg­lundar vísað á bug. Í raun og veru er nið­ur­staða skýrsl­unnar að ekki standi steinn yfir steini í mál­flutn­ingi Víg­lund­ar. Pæl­ing Kjarn­ans er því þessi: Þarf ekki Sig­mundur Davíð Gunn­laugs­son for­sæt­is­ráð­herra að útskýra mál­flutn­ing sinn úr Bít­inu morg­un­inn eftir að Víglundur sendi gögn­in? Eiga stjórn­mála- og emb­ætt­is­menn­irnir sem ásak­aðir voru um lög­brot ekki rétt á því? Þar Sig­mundur Davíð kannski að biðja fjölda fólks afsök­un­ar?

Frétta­póstur Kjarn­ans kemur í póst­hólfið þitt á hverjum morgni.