Píratar græða mest stjórnarandstöðuflokka á óánægjunni

Auglýsing

„Fljótt á litið lítur þetta út eins og óánægju­fylgi. Þetta er sams­konar fyr­ir­brigði og við höfum séð oft áður, að ein­hver stjórn­ar­and­stöðu­flokk­ur­inn rýkur upp og það hefur ekk­ert endi­lega með hug­mynda­fræði flokks­ins að gera. Ég hef grun um að ansi fáir af þessum 30 pró­sentum hafi skýra mynd af stefnu­málum Pírata, þetta er meira þannig að fólk sé að leita sér að val­kostum við ríkj­andi ástand,“ segir Gunnar Helgi Krist­ins­son stjórn­mála­fræð­ingur hjá Háskóla Íslands í sam­tali við Kjarn­ann, aðspurður um fylgi stjórn­mála­flokk­anna sem birt­ist í nýjum Þjóð­ar­púlsi Gallup.

Í Þjóð­ar­púls­inum mæl­ast Píratar stærsti stjórn­mála­flokkur lands­ins, en lið­lega 30 pró­sent þeirra sem tóku afstöðu í könn­un­inni segj­ast myndu kjósa flokk­inn ef Alþing­is­kosn­ingar færu fram í dag. Það er sex­fallt meira fylgi en Píratar fengu í síð­ustu kosn­ing­um. Flokk­ur­inn eykur fylgi sitt um rösk­lega átta pró­sentu­stig á milli kann­anna og hefur tvö­faldað fylgi sitt síðan í febr­ú­ar. Fylgi flokks­ins tók mikið stökk í kjöl­far ákvörð­unar rík­is­stjórn­ar­innar að til­kynna Evr­ópu­sam­band­inu um að Ísland væri ekki lengur umsókn­ar­ríki að sam­band­inu.

Nær allir flokkar tapa fylgi - Björt fram­tíð í frjálsu falli



Fylgi vinstri grænna mælist 10,6 pró­sent og hækkar um hálft pró­sentu­stig á milli kann­anna, en aðrir flokkar á þingi missa fylgi á sama tíma. Sjálf­stæð­is­flokk­ur­inn mælist nú með minnsta fylgi á kjör­tíma­bil­inu eða 22,9 pró­sent, og tapar 2,1 pró­sentu­stigi, Fram­sókn­ar­flokk­ur­inn mælist með 10,1 pró­sent og tapar 0,7 pró­sent­um, Sam­fylk­ingin tapar 1,7 pró­sentum á milli kann­anna og mælist með 14,1 pró­sent. Þá heldur fylgi Bjartar fram­tíðar áfram að minn­ka, en flokk­ur­inn mælist nú með 7,8 pró­sent og tapar 3,1 pró­sentu­stigi á milli kann­anna. Björt fram­tíð hefur tapað um tveimur fimmtu af sínu fylgi á tveimur mán­uðum og mælist nú með minnsta fylgi sem mælst hefur við flokk­inn á kjör­tíma­bil­inu.

„Þetta er nátt­úru­lega alvar­legt fyrir rík­is­stjórn­ina, hún kemur gríð­ar­lega veikt út úr þessu og mikil óánægja er með hana. En þetta er ekki síður alvar­legt fyrir hina stjórn­ar­and­stöðu­flokk­ana, af því að undir venju­legum kring­um­stæðum myndi ein­hver slíkur flokkur rjúka upp. Þetta er eitt­hvað sem er að gerj­ast í okkar sam­fé­lagi og reyndar í mörgum öðrum, að gömlu flokk­arnir eiga erf­ið­ara og erf­ið­ara að laða að sér fólk. Við erum með flokka­kerfi sem mót­að­ist í allt ann­ars konar þjóð­fé­lagi en við búum í núna, og það er ekk­ert óeðli­legt að fólk sé eitt­hvað dufla við eitt­hvað annað nún­a,“ segir Gunnar Helgi í sam­tali við Kjarn­ann.

Auglýsing

Gunnar Helgi vill fara var­lega í það að túlka mikla fylg­is­aukn­ingu við Pírata sem ein­hvers konar stuðn­ings­yf­ir­lýs­ingu við stefnu­mál flokks­ins. Hins vegar hafi fram­ganga flokks­ins að und­an­förnu vafa­lítið skilað sér í auknu fylgi, en það sama sé ekki upp á ten­ingnum hvað varðar Bjarta fram­tíð. „Þeir ná betur að tjá óánægju og kannski reiði og eitt­hvað þvíum­líkt heldur en Björt fram­tíð sem hefur kannski lagt áherslu á að vera mild­ari og hafa annan tón í póli­tík á meðan Pírat­arnir eru hvass­ari, en án þess að hafa misst sig í ein­hverja vit­leysu.“

 

 

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Meira úr sama flokkiInnlent
None