Undirskriftarsöfnun til að knýja á um þjóðaratkvæðagreiðslu vegna makrílsins

kjarninn_makrill.jpg
Auglýsing

Í dag var hrundið af stað und­ir­skrifta­söfnun á net­inu undir yfir­skrift­inni „Þjóð­ar­eign,“ þar sem skorað er á Ólaf Ragnar Gríms­son, for­seta Íslands, að vísa í þjóð­ar­at­kvæða­greiðslu vænt­an­legum lögum um úthlutun mak­ríl­kvóta, verði stjórn­ar­frum­varp Sig­urðar Inga Jóhanns­son­ar, sjáv­ar­út­vegs­ráð­herra, sam­þykkt á Alþingi.

Þetta kemur fram í frétta­til­kynn­ingu frá hópi fólks sem stendur að und­ir­skrifta­söfn­un­inni og send var á fjöl­miðla í dag, en undir hana rita meðal ann­ars Guð­rún Pét­urs­dótt­ir, líf­eðl­is­fræð­ingur og fyrrum for­seta­fram­bjóð­andi, Henný Hinz, hag­fræð­ingur Alþýðu­sam­bands Íslands, Jón Sig­urðs­son, fyrr­ver­andi for­maður Fram­sókn­ar­flokks­ins, og Jón Steins­son, hag­fræð­ing­ur.

Í frétta­til­kynn­ing­unni segir meðal ann­ars:

Auglýsing

„Stjórn­ar­frum­varp það sem lagt hefur verið fram á Alþingi um úthlutun mak­ríl­kvóta til útgerða­manna til sex ára, hið skemmsta, felur í sér grund­vall­ar­breyt­ingu á til­högun fisk­veiði­stjórn­un­ar­kerf­is­ins. 

Verði frum­varpið að lögum er útgerð­inni í fyrsta sinn veitt óaft­ur­kall­an­legt for­ræði yfir afla­heim­ildum til lengri tíma en eins árs og Alþingi getur í reynd ekki aft­ur­kallað þá ráð­­stöf­un. Um leið leggja stjórn­völd til að veiði­gjöld verði ákveðin til þriggja ára sem aftur bindur hendur Alþingis fram yfir næstu kosn­ing­ar.

Laga­setn­ing af þessu tagi kemur í veg fyrir að unnt sé að kveða á um skil­yrð­is­laust eign­ar­hald þjóð­ar­innar á fisk­veiði­auð­lind­inni með ákvæði í stjórn­ar­skrá sem jafn­framt tryggi að þjóðin njóti fulls gjalds af afnotum á auð­lind­inn­i.“

Þá segir í áskor­un­inni til for­seta Íslands, sem fólk er hvatt til að leggja nafn sitt við.

„Við und­ir­rituð skorum á for­seta Íslands að vísa í þjóð­ar­at­kvæða­greiðslu hverjum þeim lögum sem Alþingi sam­þykkir þar sem fisk­veiði­auð­lindum er ráð­stafað til lengri tíma en eins árs á meðan ekk­ert ákvæði um þjóð­ar­eign á auð­lindum hefur verið sett í stjórn­ar­skrá og þjóð­inni ekki verið tryggt fullt gjald fyrir afnot þeirra.“ 

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Meira úr sama flokkiInnlent
None