Sam­keppn­is­eft­ir­litið hefur veitt Press­unni ehf. und­an­þágu­heim­ild frá sam­keppn­is­lögum til að ganga frá sam­runa sínum við DV á meðan að eft­ir­lits­stofn­un­in fjallar um hann. Fjöl­miðla­fyr­ir­tækin tvö geta því byrjað að sam­þætta verk­lag og þjón­ustu, meðal ann­ars aug­lýs­inga­sölu. Sam­keppn­is­eft­ir­litið hefur stað­fest þetta við Kjarn­ann.

Sam­kvæmt heim­ildum Kjarn­ans var ákvörðun Sam­keppn­is­eft­ir­lits­ins send bréf­lega í morg­un. Und­an­þágu­heim­ildin sem um ræð­ir varðar bann við sam­runa fyr­ir­tækja á meðan hann er til umfjöll­unar hjá Sam­keppn­is­eft­ir­lit­inu.

Heim­ildir Kjarn­ans herma að Sam­keppn­is­eft­ir­litið hafi upp­lýst hlut­að­eig­andi, að rann­sókn eft­ir­lits­ins á sam­run­anum gangi vel og afgreiðslu sé að vænta innan skamms. Ekk­ert óvænt hafi komið upp í þeirri vinnu.

Jafnan er sett hefð­bundið skil­yrði við und­an­þágu­heim­ild­ina, að ekki sé gripið til neinna aðgera sem gera það ómögu­legt að láta sam­runa fyr­ir­tækja ganga til baka.

Kjarn­inn hefur heim­ildir fyrir því að nú muni hefj­ast und­ir­bún­ings­vinna hjá hinu sam­ein­aða fyr­ir­tæki við sam­eig­in­lega stoð­þjón­ustu, svo sem bók­hald, tölvu- og mark­aðs­mál, og aug­lýs­inga­sölu. Þá mun Björn Ingi Hrafns­son, stjórn­ar­for­maður Pressunnar og vænt­an­legur útgef­andi DV, eiga ein­stak­lings­fundi með hverjum starfs­manni DV á morg­un, en hann hyggst sömu­leiðis kynna sér starf­semi blaðs­ins, rekstur þess og fram­tíð­ar­sýn, að því er heim­ildir Kjarn­ans herma.