Vla­dimír Pútín Rúss­lands­for­seti er kom­inn í leit­irnar eftir miklar vanga­veltur und­an­farna daga um afdrif hans. Hann er mættur á fund með for­seta Kirgist­ans, Almaz­bek Atambayev, í St. Pét­urs­borg.

There he is, still break­ing hands. RT @dimsmirnov175: Судя по лицу Атамбаева, рукопожатие и Путина крепкое pic.twitt­er.com/dGn­fZdjVsb

— Christopher Miller (@Christoph­erJM) March 16, 2015

Pútín hafði ekki sést opin­ber­lega frá því 5. mars síð­ast­lið­inn. Und­an­farna daga hafa ýmsar sögu­sagnir kom­ist á kreik og þegar hann aflýsti opin­berri heim­sókn sinni til Astana, höf­uð­borgar Kasakstan, fóru af stað háværar sögu­sagnir um að Rúss­lands­for­seti hefði fengið heila­blóð­fall.

Þær voru bornar til baka en skömmu síðar bár­ust fréttir af því að Pútín væri dauð­ur. Þær voru líka bornar til baka og þá spruttu upp fréttir í fjöl­miðlum víða um heim um að Pútín væri í raun í Sviss til að taka á móti barni sem hann sé að eign­ast í lausa­leik með einni af ást­konum sín­um, en Pútín skildi við  Lyud­milu, eig­in­konu sína til tæp­lega þriggja ára­tuga, í fyrra. Sú saga sem hefur verið líf­seig­ust er samt sú að ástæða þess að Pútín sést ekki opin­ber­lega sé sú að harð­vítug átök séu á meðal valda­el­ít­unnar í Kreml á bak­við tjöld­in, og að þar séu öfl sem vilji svipta Pútín völd­um.