Raun­gengi íslensku krón­unnar hefur ekki verið sterkara síðan í ágúst 2008. Á einu ári hefur það hækkað um fjögur pró­sent. Afleið­ingin er meðal ann­ars auk­inn kaup­máttur lands­manna sökum þess að verð­lag og lauka­kostn­aður er að hækka hraðar á Íslandi en erlendis þegar breyt­urnar eru mældar í sömu mynt. Þetta kemur fram í umfjöllun Morg­un­blaðs­ins um málið í dag.

Þar segir að vísi­tala hlut­falls­legs verð­lags hafi verið í 84,2 stigum í des­em­ber síð­ast­liðn­um. en var til sam­an­burðar 87,7 stig í ágúst 2008. Vísi­tala raun­gengis er líka að hækka og sam­kvæmt Morg­un­blað­inu vekur snörp hækkun hennar athygli.

Blaðið hefur hefur Jóni Bjarka Bents­syni, hag­fræð­ingi hjá Íslands­banka, að áfram verði hæg­fara styrk­ing á raun­gengi krónu fram á vorið, meðal ann­ars vegna ábata sem hlýst af inn­fluttri verð­hjöðnun og lægra olíu­verði. Þá líti út fyrir að gengi krónu gagn­vart evru verði áfram stöðugt og að verð­bólga verði áfram lít­il. Fram­haldið ráð­ist líka af kjara­samn­ings­gerð og því hvort skref í átt að afnámi hafta muni leiða til sveiflna í gengi krónu.