Hæsti­réttur stað­festi í dag fengna nið­ur­stöðu hér­aðs­dóms Reykja­víkur um að íslenska rík­inu hafi verið heim­ilt að stöðva verk­föll Banda­lags háskóla­manna (BHM) með laga­setn­ingu í júní síð­ast­liðn­um. Frétta­stofa RÚV greinir frá nið­ur­stöðu máls­ins í dag.

Kjara­deilu aðild­ar­fé­laga BHM var vísað til rík­is­sátta­semj­ara í lok mars síð­ast­liðn­um. Haldnir voru 24 fundir sem báru ekki árang­ur. Þann 13. júní síð­ast­lið­inn voru sam­þykkt lög á Alþingi sem bönn­uðu verk­föll Félags geisla­fræð­inga, Félags líf­einda­fræð­inga, Ljós­mæðra­fé­lagss Íslands, Félags íslenskra nátt­úru­fræð­inga, Stétt­ar­fé­lags lög­fræð­inga hjá Sýslu­mann­inum á höf­uð­borg­ar­svæð­inu, Stétt­ar­fé­lags háskóla­manna á mat­væla- og nær­inga­sviði, Dýra­lækn­inga­fé­lags Íslands hjá Mat­væla­stofnun og Félags háskóla­mennt­aðra starfs­manna ­Stjórn­ar­ráðs­ins hjá Fjár­sýslu rík­is­ins. Þegar lög voru sett höfðu verk­falls­að­gerðir staðið yfir í á þriðja mán­uð.

BHM taldi laga­setn­ing­una fela í sér ólög­mætt inn­grip í starf­semi frjáls­ra, lög­legra félags­sam­taka og fór með málið fyrir dóm­stóla. Um miðjan júlí var íslenska ríkið sýkanð af kröfum BHM og var það nið­ur­staða dóms­ins að rík­inu hafi verið heim­ilt að setja lög á verk­fall­ið.

Þeirri nið­ur­stöðu var áfrýjað til Hæsta­rétt­ar, sem ­stað­festi nið­ur­stöðu hér­aðs­dóms í dag.