Tryggvi Páls­son, for­maður banka­ráðs Lands­banka Íslands, fær að með­al­tali 700 þús­und krónur greiddar fyrir að sinna því starfi. Fundað er að jafn­aði einu sinni í mán­uði auk þess sem starfið felur í sér setu í und­ir­nefnd ráðs­ins Hann og Eva Sóley Guð­björns­dótt­ir, vara­for­maður banka­ráðs­ins, fengu sam­tals greitt 14,7 millj­ónir króna fyrir setu í banka­ráði Lands­bank­ans, sem er að nær öllu leyti í eigu íslenska rík­is­ins. Alls námu greiðslur til banka­ráðs­manna fyrir setu í ráð­inu á síð­asta ári um 42 millj­ónum króna. Frá þessu er greint í DV í dag.

Banka­ráðs­menn­irnir ráða sjálfir hvað þeir fá í laun að feng­inni til­lögu starfs­kjara­nefndar Lands­bank­ans.

Nærri tvö­föld reglu­leg laun

Til að setja launa­greiðslur banka­ráðs­ins í sam­hengi má geta þess að reglu­leg með­al­laun fólks á vinnu­mark­aði árið 2013 voru 436 þús­und krónur á mán­uði, eða rúm 60 pró­sent af launum Tryggva fyrir for­mennsku í banka­ráð­inu. Það sama ár voru með­al­laun í Seðla­bank­an­um, þar sem Tryggvi starf­aði fram til árs­ins 2011, 692 þús­und krónur á mán­uði.

Í Arion banka fékk Mon­ica Canem­an, stjórn­ar­for­maður bankas, 19,9 millj­ónir króna í greiðslur í fyrra og Frið­rik Soph­us­son, stjórn­ar­for­maður Íslands­banka, fékk 7,5 millj­ónir króna. Báðir þeir bankar eru hins vegar að meiri­hluta í eigu kröfu­hafa gjald­þrota for­vera þeirra þótt ríkið eigi hlut í þeim báð­um.