Marie Le Pen, leið­togi hægri flokks­ins Front National í Frakk­landi, hefur sagt Zlatan Ibra­himovich að hann geti farið frá Frakk­landi ef honum líki það ekki. Sænski knatt­spyrnu­kapp­inn, sem leikur með franska lið­inu Paris Sain­t-­Germa­in, hefur þurft að biðj­ast afsök­unar á því að kalla Frakk­land skíta­land sam­hliða því að úthúða dóm­ara eftir leik um helg­ina. Ummæli hans hafa ýtt af stað miklum póli­tískum deilum í Frakk­landi, sam­kvæmt frétt Guar­dian um mál­ið.

Ibra­himovich mun mæta fyrir aga­nefnd á fimmtu­dag og þá kemur í ljós hversu langt bann hann fær fyrir atvik­ið.

Þeir sem telja Frakk­land skíta­land geta farið

Paris Sain­t-­Germain tap­aði 3-2 fyrir Bor­deaux um helg­ina og Ibra­himovich missti algjör­lega stjórn á skapi sínu fyrir framan mynda­vél­arnar eftir leik­inn. Hann helti sér yfir dóm­ara leiks­ins og sagði að "skíta­land­ið" Frakk­land ætti ekki skilið lið eins og Paris Sain-­Germa­in.

Marie Le Pen.

Le Pen var spurð út í atvikið í útvarps­við­tali í dag og sagði: "þeir sem telja að Frakk­land sé skíta­land geta far­ið. Það er það ein­falt."

Ibra­himovic hefur beðist afsök­unar og sagt að ummælin hafi beinst að dóm­ara leiks­ins. Þau hafi ekki verið ætluð "Frakk­landi eða Frökk­um."

Leik­mað­ur­inn skor­aði tví­vegis í leiknum en tapið þýðir að Paris Sain­t-­Germain er tveimur stigum á eftir topp­lið­inu Lyon í frönsku deild­ar­keppn­inni.

Þetta var í annað sinn á skömmum tíma sem Ibra­himovich komst í frétt­irnar vegna niðr­andi ummæla en eftir meist­ar­deild­ar­leik við Chel­sea í síð­ustu viku kall­aði hann leik­menn and­stæð­ing­anna "lítil börn". Hann var rek­inn út af í leikn­um.