Rík­is­stjórn Íslands hefur afgreitt þings­á­lykt­un­ar­til­lögu um að byggð verði við Alþing­is­húsið við­bygg­ing eftir hönnun Guð­jóns Sam­ú­els­son­ar. Sig­mundur Davíð Gunn­laugs­son for­sæt­is­ráð­herra lagði til­lög­una fram og er til­efni hennar hvernig eigi að minn­ast ald­ar­af­mælis full­veldis Íslands eftir þrjú ár, en Ísland fékk full­veldi 1. des­em­ber 1918. Frá þessu er greint í Frétta­blað­inu. Ekk­ert kemur fram um hver áætl­aður kostn­aður við fram­kvæmd­ina sé.

Í þings­á­lykt­un­ar­til­lög­unni segir að við­eig­andi sé að á 100 ára afmæl­inu verði lokið við áform um upp­bygg­ingu á Alþing­is­reitnum sem ráð­ist hefði verið í full­veld­is­árið 1918 ef fjár­hagur og aðstæður leyfðu. "Það fer þar

af leið­andi vel á því að nú, þegar Íslend­ingar hafa í heila öld notið þeirra fram­fara sem fylgdu í kjöl­far full­veldis verði lokið við bygg­ing­ar­á­form­in," segir í álykt­un­inni. Sam­keppni um hönnun húss­ins og tengi­bygg­inga verður að öllum lík­indum hald­in. Í Frétta­blað­inu segir að með því vinni kyn­slóðir full­veld­is­stofn­un­ar­innar með kyn­slóðum sam­tím­ans við upp­bygg­ingu til fram­tíð­ar. "Um leið og horft er til fram­tíðar er for­tíð­inni sýnd virð­ing og draumar fyrri kyn­slóðar upp­fylltir í þágu fram­tíð­ar­kyn­slóða."

Í þings­á­lyktun Sig­mundar er einnig kveðið á um að lokið verði við bygg­ingu yfir Stofnun Árna Magn­ús­sonar í íslenskum fræðum og lagt til að reist verði ný Val­höll á Þing­völlum í stað þeirrar sem brann árið 2009.