Ef launa­hækk­anir sem samið var um við lækna á dög­un­um, sem nema ríf­lega 20 pró­sent­um, yrðu leið­ar­stefið í kom­andi kjara­samn­ingum á almennum vinnu­mark­aði þá myndi verð­bólga aukast hratt, vextir hækka og greiðslu­byrði á dæmi­gerðu óverð­tryggðu 15 millj­óna króna láni gæti hækkað um 30 þús­und á mán­uði.

Þetta kemur fram í grein­ingu efna­hags­sviðs Sam­taka atvinnu­lífs­ins. Í henni er á það bent á að auk­in sókn heim­ila í óverð­tryggð hús­næð­is­lán hafi gert þau við­kvæm­­ari fyr­ir vaxta­breyt­ing­um og þannig aukið áhrifa­mátt pen­inga­­stefn­u Seðla­banka Íslands. Lækk­­un­in á greiðslu­­byrði sem hlaust af hinni svoköll­uðu leið­rétt­ing­u gæti þurrkast fljótt út fari miklar launa­hækk­anir út í verð­lag, segir í grein­ing­unni.

Í grein­ing­unni kemur enn fremur fram að óvissa ríki á vinnu­mark­aði vegna kom­andi kjara­samn­inga. Mikið ber í milli í kröfum verka­lýðs­fé­laga og hug­myndum atvinnu­lífs­ins og eru kröf­urnar víðs­fjarri mati Seðla­banka Íslands á aðstæð­um, en sam­kvæmt mati hans, er svig­rúmið til launa­hækk­ana, á almennum vinnu­mark­aði, 3,5 pró­sent. Verka­lýðs­hreyf­ingin hefur lagt áherslu á nauð­syn þess að hækka laun þeirra sem lægstu laun hafa, og einnig að ná fram hækk­unum innan þeirra greina í atvinnu­líf­inu sem ganga vel, eins og til dæmis í sjáv­ar­út­vegi. Starfs­greina­sam­bandið hefur lagt fram kröfu um að lægstu laun hækki í 300 þús­und á mán­uði, en þau eru nú 214 þús­und. Fundur hefur verið boð­aður 13. febr­úar í húsa­kynnum Rík­is­sátta­semj­ara hjá samn­inga­nefnd Starfs­greina­sam­bands­ins, en engar form­legar við­ræður við samn­inga­nefnd Sam­taka atvinnu­lífs­ins hafa enn haf­ist.