Félag íslenskra hjúkr­un­ar­fræð­inga (FÍH) lýsir yfir von­brigðum sínum með ákvörðun alþingis að stöðva verk­fall hjúkr­un­ar­fræð­inga með laga­setn­ingu. Þetta kemur fram í yfir­lýs­ingu frá félag­inu sem send var fjöl­miðlum nú undir kvöld. Alþingi sam­þykkti í kvöld laga­frum­varp sem frestar verk­falls­að­gerðum hjúkr­un­ar­fræð­inga og ein­stakra aðild­ar­fé­laga BHM.

Í til­kynn­ing­unni frá FÍH seg­ir:

„Með laga­setn­ing­unni er virtur að vettugi lýð­ræð­is­legur og sjálf­sagður samn­ings­rétt hjúkr­un­ar­fræð­inga í lög­legri bar­áttu fyrir nauð­syn­legri og löngu tíma­bærri launa­leið­rétt­ingu.

Launa­kröfur hjúkr­un­ar­fræð­inga eru hóg­værar og mið­ast við að dag­vinnu­laun þeirra séu sam­an­burð­ar­hæf við dag­laun ann­arra háskóla­mennt­aðra rík­is­starfs­manna og útrýmt verði þeim kyn­bundna launa­muni sem hjúkr­un­ar­fræð­ingar búa við. Breytt launa­kjör hjúkr­un­ar­fræð­inga eru for­senda þess að hér sé hægt að reka skil­virkt heil­brigð­is­kerfi með nauð­syn­legri aðkomu hjúkr­un­ar­fræð­inga.

Laga­setn­ingin markar kafla­skil í launa­bar­áttu sem hefur ein­kennst að litlum samn­ings­vilja samn­inga­nefndar rík­is­ins. Félag íslenskra hjúkr­un­ar­fræð­inga áréttar að nýsam­þykkt lög sem binda enda á verk­fall hjúkr­un­ar­fræð­inga er frestun á við­var­andi vanda­máli en ekki sú lausn til fram­búðar sem hjúkr­un­ar­fræð­ingar leit­uðu eft­ir.“