„Áherslur svo­nefndrar Hvít­bókar á lest­ur, starfs­nám og stytt­ingu náms­tíma eru góðar og gildar þótt áherslu á kenn­ara­menntun sé sakn­að.“ Þetta segir Þor­gerður Katrín Gunn­ars­dótt­ir, for­stöðu­kona mennt­un­ar- og nýsköp­un­ar­sviðs Sam­taka atvinnu­lífs­ins og fyrr­ver­andi mennta­mála­ráð­herra, í ítar­legri grein um mennta­mál og stöðu þeirra í íslensku sam­fé­lagi í árs­lok. Í grein sinni fer Þor­gerður vítt og breitt yfir sviðið þegar kemur að skóla­starfi, og segir meðal ann­ars að nauð­syn­legt sé að huga betur að lestri og og lestr­ar­kennslu. „Lest­ur­inn er lyk­il­at­riði og ber að taka föstum tökum strax í leik­skóla. Þetta er ekki ein­göngu sett fram út frá róm­an­tískri sýn þar sem barn les bók sér til ynd­is­auka heldur er ljóst að ef ýtt er undir lestr­ar­hæfni strax frá byrjun er mun lík­legra að við­kom­andi ein­stak­lingur finni hæfi­leikum sínum far­veg innan skóla­kerf­is­ins og komi þaðan með sterk­ari bak­grunn og sjálfs­mynd en ella. Það minnkar líkur á brott­hvarfi síðar meir,“ segir Þor­gerður Katrín í grein sinni.

Hún segir það enn fremur vera umhugs­un­ar­efni hvort það hafi tek­ist nægi­lega vel til á und­an­förnum ára­tugum við upp­bygg­ingu skóla­kerfis í land­inu. „Einnig má spyrja hvort kjara­bar­átta kenn­ara síð­ustu ára og ára­tuga hafi skilað vel laun­uðum kenn­ur­um, hvort ríki og sveit­ar­stjórnir hafi barist nægi­lega fyrir sveigj­an­legu, fjöl­breyttu og sam­keppn­is­hæfu skóla­kerfi og hvort atvinnu­lífið hafi ýtt mark­visst á slíkar breyt­ing­ar?,“ segir Þor­gerður Katrín.

Grein Þor­gerðar má lesa í heild sinni á vef Kjarn­ans, en hún er hluti af ítar­legri pistla­röð Kjarn­ans þar sem árið 2014 er gert upp og kafað ofan í stærstu og mik­il­væg­ustu mál árs­ins.