Evru­ríkin komust að sam­komu­lagi um fram­hald lán­veit­inga til Grikk­lands á fundi í Brus­sel nú í kvöld. Sam­komu­lagið gildir til næstu fjög­urra mán­aða, en án þess hefðu samn­ingar runnið út um mán­aða­mótin og góðar líkur virt­ust á því að Grikkir yrðu uppi­skroppa með fjár­magn.

Hér má lesa yfir­lýs­ing­una sem gefin var út í kvöld. 

Grikkir beygðu sig undir vilja Evr­ópu­sam­bands­ins, en gerðu það á sínum for­send­um, virð­ist vera línan sem tekin er hjá sér­fræð­ingum í Aþenu.

„Þetta er mjög jákvæð útkom­a,“ sagði Jer­oen Dijs­sel­bloem, for­seti evru­hóps­ins og fjár­mála­ráð­herra Hollands þegar fund­inum lauk í kvöld. Hann sagði að stjórn­völd í Grikk­landi hefðu lofað að standa við allar sínar skuld­bind­ing­ar. „Ég held að í kvöld hafi verið stigið fyrsta skrefið í átt að því að byggja traust upp á ný.“

Yanis Varoufa­kis, fjár­mála­ráð­herra Grikk­lands, sagði að þessir fjórir mán­uðir verði nýttir til að byggja upp sam­skiptin við Evr­ópu og Alþjóða­gjald­eyr­is­sjóð­inn. Hann þarf að afhenda til­lögur að umbótum í Grikk­landi á mánu­dag­inn og seg­ist ætla að vinna að þeim alla helg­ina, nótt og dag. Hann sagði sam­komu­lagið í kvöld ekki til­efni til fögn­uð­ar, heldur væri það lítið skref í rétta átt.

Fjár­mála­skýr­andi BBC bendir þó á að sam­komu­lagið í kvöld haldi í raun bara í tvo daga, vegna þess­ara umbóta sem rík­is­stjórnin í Grikk­landi þarf að leggja fram á mánu­dag. Það er alls ekki víst að það tak­ist eða að um umbæt­urnar náist sátt í Grikk­landi.