Sam­keppn­is­eft­ir­litið hefur heim­ilað sam­runa MP banka og Straums fjár­fest­ing­ar­banka. Eft­ir­lits­stofn­unin til­kynnti um ákvörðun sína í dag. Að mati eft­ir­lits­ins leiðir sam­run­inn ekki til mynd­unar eða styrk­ingar mark­aðs­ráð­andi stöðu bank­anna á mark­aði.

„Á þeim mörk­uðum sem sam­runa­að­ilar starfa eiga þeir m.a. í sam­keppni við þrjá alhliða banka sem eru hver um sig miklum mun stærri en sam­ein­aður banki sam­runa­að­ila. Veru­legur munur er því á fjár­hags­legum styrk­leika sam­ein­aðs banka og hvers þess­ara stóru banka. Að und­an­geng­inni rann­sókn er nið­ur­staða Sam­keppn­is­eft­ir­lits­ins sú að ekki séu fyrir hendi vís­bend­ingar um að sam­run­inn leiði til mynd­unar eða styrk­ingar mark­aðs­ráð­andi stöðu sam­runa­að­ila á neinum mark­að­i,“ segir Sam­keppn­is­eft­ir­lit­ið.

Í gær var greint frá því að hlut­hafar bank­anna tveggja munu kjósa um sam­run­ann þann 22. júní næst­kom­andi. Stefnt er að því að nýr banki hefji starf­semi í haust undir nýju nafni. Sam­kvæmt sam­runa­á­ætl­un­inni verður skipti hluta­fjár í sam­ein­aða félag­inu þannig að núver­andi hlut­hafar MP banka munu eiga 58,66 pró­sent af virku hlutafé en núver­andi hlut­hafar Straums fjár­fest­inga­banka munu eign­ast 41,34 pró­sent af virku hluta­fé.