Samtökin ´78 kæra tíu manns fyrir háværa og hatursfulla orðræðu í garð hinsegin fólks

15377355793_0783b3759b_z.jpg
Auglýsing
Sam­tökin ‘78 munu í dag kæra tíu manns fyrir hat­urs­fulla orð­ræða í garð hinsegin fólks á opin­berum vett­vangi. Sam­tökin segja fólkið hafa beitt háværum röddum til þessa að breiða út hat­urs­fullan boð­skap sinn og orð­ræðan sé til þess fall­inn "breiða út for­dóma gegn hinsegin fólki í íslensku sam­fé­lagi og gera því lífið leitt." Þetta kemur fram í yfir­lýs­ingu frá sam­tök­un­um.



Í kæru sinni vísa Sam­tökin ´78 til þess að af­drátt­ar­laust bann er lagt við ákveð­inni tján­ingu sem lýst er sem refsi­verðri sam­kvæmt 233. grein almennra hegn­ing­ar­laga sem hljóðar svo:




„Hver sem opin­ber­lega hæð­ist að, róg­ber, smánar eða ógnar manni eða hópi manna með ummælum eða ann­ars konar tján­ingu, svo sem með myndum eða tákn­um, vegna þjóð­ern­is, lit­ar­hátt­ar, kyn­þátt­ar, trú­ar­bragða, kyn­hneigðar eða kyn­vit­und­ar, eða breiðir slíkt út, skal sæta sektum eða fang­elsi allt að 2 árum.“

Auglýsing




Hilmar Hild­ar­son Magn­ús­ar­son frá Sam­tök­unum ´78 og Björg Val­geirs­dóttir hér­aðs­dóms­lög­maður munu flytja yfir­lýs­ingu við Lög­reglu­stöð­ina við Hlemm í Reykja­vík í dag klukkan 8:30 vegna þessa. Yfir­lýs­ing­una í heild sinn má lesa hér að neð­an­.​​







Yfir­lýs­ing Sam­tak­ana ‘78 í til­efni orð­ræðu í garð hinsegin fólks sem ekki sam­ræm­ist íslenskum lögum



"Sam­tökin ‘78 harma þá nei­kvæðu umræðu sem fylgt hefur í kjöl­far sam­þykktar bæj­ar­stjórnar Hafn­ar­fjarðar um hinsegin fræðslu í grunn­skólum bæj­ar­ins. Sam­tökin ‘78 taka þó fram að til­lagan er ekki sprottin frá Sam­tök­unum ‘78 og var ekki gerð í sam­ráði við sam­tökin sem þó fagna allri fram­þróun í upp­lýs­inga­sam­fé­lag­inu.

Við í for­ystu Sam­tak­anna ‘78 höfum þróað með okkur ansi þykkan skráp í gegnum tíð­ina og getum staðið af okkur ýmis­legt. Það er hins vegar fjöldi fólks í okkar röð­um, hinsegin fólk um allt land, börn þess, fjöl­skyldur og vin­ir, sem tekur þess­ari umræðu þungt. Ófögur og and­styggi­leg orð sem beint hefur verið gegn hinsegin fólki veldur því hug­ar­angri og van­líðan og í mörgum til­fellum sári sem illa grær - eða alls ekki. Við skulum nefni­lega ekki gleyma því að hat­ursá­róður gegn hinsegin fólki er engin nýlunda sem er að spretta upp síð­ustu daga. Þetta hefur ver­ið, og er við­var­andi vanda­mál, og það er hrein­lega lífs­spurs­mál að fólk þurfi ekki að sitja undir því. Það á engin mann­eskja að þurfa eða sætta sig við.



Að því sögðu hefur stjórn Sam­tak­anna ‘78 að vand­lega ígrund­uðu máli i sam­ráði við lög­mann sam­tak­anna kom­ist að þeirri nið­ur­stöðu að kæra til­tekna ein­stak­linga sem hafa beitt háværum röddum og hat­urs­fullri orð­ræðu í garð hinsegin fólks á opin­berum vett­vangi. Orð­ræðu sem er til þess fallin að breiða út for­dóma gegn hinsegin fólki í íslensku sam­fé­lagi og gera því lífið leitt.

Sam­tökin ‘78 - félag hinsegin fólks á Íslandi hafa það meðal ann­ars að mark­miði að tryggja að hinsegin fólk njóti fyllstu rétt­inda i íslensku sam­fé­lagi. Sam­tökin leit­ast við að ná því mark­miði með því að vinna að bar­áttu­málum hinsegin fólks eftir þeim leiðum sem árang­urs­rík­astar þykja hverju sinni.



Íslenskt sam­fé­lag er meðal fremstu sam­fé­laga heims í rétt­inda­málum hinsegin fólks. Það vekur athygli víða og mörg ríki taka okkur sér til fyr­ir­mynd­ar. Und­an­farin 30 ár hafa átt sér stað vatna­skil í bar­átt­unni sem Sam­tökin ‘78 eru stolt af að hafa tekið þátt í. Þeir ein­stak­lingar sem við höfum ákveðið að kæra hafa kynt undir orð­ræðu sem við teljum vega gróf­lega að rétti hinsegin fólks til frið­helgi einka­lífs, fjöl­skyldu og fyllsta jafn­rétt­is. Rétt­inda sem vernduð eru af stjórn­ar­skrá lýð­veld­is­ins Íslands og þeim alþjóð­legu sátt­málum sem Ísland er aðili að, þar með talið mann­rétt­inda­sátt­mála Evr­ópu. Þar að auki höfum við kom­ist að þeirri nið­ur­stöðu að orð­ræðan sem kærur þessar ná til flokk­ist sem hat­urs­orð­ræða í garð hinsegin fólks sem ekki er heim­iluð skv. íslenskum lög­um; einkum almennum hegn­ing­ar­lögum en einnig fjöl­miðla­lögum í ákveðnum til­vik­um.



Sam­tökin ‘78 vísa kærunni til stuðn­ings til þess að afdrátt­ar­laust bann er lagt við ákveð­inni tján­ingu sem lýst er sem refsi­verðri skv. 233. gr.a. almennra hegn­ing­ar­laga sem hljóðar svo:



„Hver sem opin­ber­lega hæð­ist að, róg­ber, smánar eða ógnar manni eða hópi manna með ummælum eða ann­ars konar tján­ingu, svo sem með myndum eða tákn­um, vegna þjóð­ern­is, lit­ar­hátt­ar, kyn­þátt­ar, trú­ar­bragða, kyn­hneigðar eða kyn­vit­und­ar, eða breiðir slíkt út, skal sæta sektum eða fang­elsi allt að 2 árum.“



Sam­tökin ‘78 gera sér að sjálf­sögðu grein fyrir þvi að kærðu eiga rétt til skoð­ana sinna og láta þær i ljós sbr. 1. og 2. mgr. 73. gr. stjórn­ar­skrár­innar og 10. gr. mann­rétt­indasatt­mála Evr­ópu, sbr. lög nr. 62/1994. Við teljum á hinn bóg­inn aug­ljóst að tján­ing­ar­frelsi megi ekki hag­nýta til að níð­ast á öðrum rétt­indum manna og að lög­gjöf gegn mis­rétti vegna kyn­hneigðar og kyn­vit­undar sé nauð­syn­leg í lýð­ræð­is­ríki til að vernda minni­hluta­hópa. 233. gr. almennra hegn­ing­ar­laga er því lög­bundið frá­vik frá tján­ing­ar­frels­inu. Ummælin sem Sam­tökin ‘78 kæra fela í sér háð, róg og smánun í garð hinsegin fólks vegna kyn­hneigðar þess og/eða kyn­vit­undar og þau eru sett fram á opin­berum vett­vangi, í formi sem engum rökum eru studd. Jafn­ræði fólks án til­lits til kyn­hneigðar eða kyn­vit­undar er lög­fest grund­vall­ar­regla sem bygg­ist á virð­ing­unni fyrir mennsk­unni. Þótt tján­ing­ar­frelsið sé jafn­framt eitt af mikilvæg­ustu rétt­indum manna og ein af grund­vall­ar­stoðum lýð­ræð­is­ins, er orð­notkun sem lýsir hatri eða for­dómum á hinsegin fólki á opin­berum vett­vangi ekki refsi­laus að mati Sam­tak­anna ‘78.



Að morgni dags­ins 27. apríl 2015, kl. 8:30, munu full­trúar úr stjórn Sam­tak­anna ‘78, ásamt lög­manni sam­tak­anna, leggja fram kærur á Lög­reglu­stöð­inni á Hverf­is­götu á hendur 10 ein­stak­lingum vegna ummæla sem hlut­að­eig­andi hafa látið falla í umræðu um hinsegin fólk og sam­tökin telja refsi­næm sam­kvæmt fram­an­greindu.



Við hjá Sam­tök­unum ‘78 erum alltaf boðin og búin að mæta jákvæð til leiks, taka þátt í umræð­unni og fræða. En það verður heldur ekki litið fram­hjá þeim hrotta­skap sem ein­kennt hefur umræð­una síð­ustu daga. Það eru tak­mörk fyrir því skít­kasti sem hinseg­in ­fólk lætur bjóða sér að sitja und­ir, án þess að aðhaf­ast neitt. Gleymum því ekki að opin­ber róg­burður og umræða sem nið­ur­lægir og níðir ákveðna hópa heggur fast að rótum lýð­ræð­is­ins. Slík orð­ræða grefur undan þeim sam­fé­lags­sátt­mála sem við höfum komið okkur saman um: að hér eigum við öll að geta þrif­ist í sam­fé­lagi hvert við ann­að. Jöfn að rétti og jöfn að virð­ing­u."





Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Helga Vala Helgadóttir, þingmaður Samfylkingarinnar.
„Birtingarmynd af eindæma skilningsleysi stjórnvalda“
Þingmaður Samfylkingarinnar segir að félags- og barnamálaráðherra hafi tekist að hækka flækjustigið svo mikið varðandi sérstakan styrk til íþrótta- og tómstundastarfs barna frá tekjulágum heimilum að foreldrar geti ekki nýtt sér styrkinn.
Kjarninn 23. janúar 2021
Jón Baldvin Hannibalsson
Fimm hundruð milljarða spurningin – Í næstu kosningum
Kjarninn 23. janúar 2021
Freyja Haraldsdóttir
Baráttunni ekki lokið á meðan fólk gleymist og situr eftir
Freyja Haraldsdóttir segist vera þakklát fyrir að vera bólusett og að heilbrigðisyfirvöld hafi sett hópinn sem hún tilheyrir í forgang. Hún bendir þó á að fatlað fólk með aðstoð heima hafi gleymst í bólusetningarferlinu.
Kjarninn 23. janúar 2021
Húsnæðismarkaðurinn hefur verið á fleygiferð undanfarna mánuði. Ódýrt lánsfjármagn er þar helstu drifkrafturinn.
Bankar lána metupphæðir til húsnæðiskaupa og heimilin yfirgefa verðtrygginguna
Viðskiptabankarnir lánuðu 306 milljarða króna í ný húsnæðislán umfram upp- og umframgreiðslur í fyrra. Fordæmalaus vöxtur var í töku óverðtryggðra lána og heimili landsins greiddu upp meira af verðtryggðum lánum en þau tóku.
Kjarninn 23. janúar 2021
Guðmundur Andri Thorsson, þingmaður Samfylkingarinnar.
„Mig langar að halda áfram“
Guðmundur Andri Thorsson ætlar að bjóða fram krafta sína fyrir Samfylkinguna fyrir næstu kosningar.
Kjarninn 23. janúar 2021
Snjallúr geta greint merki um sýkingar mjög snemma.
Snjallúr geta fundið merki um COVID-sýkingu
Vísindamenn við Stanford-háskóla hafa fundið upp aðvörunarkerfi í snjallúr sem láta notandann vita ef merki um sýkingu finnast í líkamanum.
Kjarninn 23. janúar 2021
Gylfi Zoega, hagfræðiprófessor við Háskóla Íslands
Segir einkavæðingu banka viðkvæma jafnvel við bestu aðstæður
Gylfi Zoega segir mikla áhættu fólgna í því að kerfislega mikilvægir bankar séu í einkaeigu í nýjasta tölublaði Vísbendingar.
Kjarninn 23. janúar 2021
Ungur drengur bíður eftir mataraðstoð í Jóhannesarborg. Útbreiðsla faraldursins í Suður-Afríku hefur valdið því að öll þjónusta er í hægagangi.
Vísindamenn uggandi vegna nýrra afbrigða veirunnar
Þó að litlar rannsóknir á rannsóknarstofum bendi til þess að mótefni fyrri sýkinga af völdum kórónuveirunnar og að vörn sem bóluefni eiga að veita dugi minna gegn suðurafríska afbrigðinu en öðrum er ekki þar með sagt að sú yrði niðurstaðan „í raunheimum”.
Kjarninn 23. janúar 2021
Meira úr sama flokkiInnlent
None