Har­aldur Páls­son fram­kvæmda­stjóri ÍBV íþrótta­fé­lags seg­ir, í erindi sem hann sendi fyrir hönd félags­ins til fjár­laga­nefndar þings­ins, að aðstoð­ar­maður Ásmundar Ein­ars Daða­sonar mennta- og barna­mála­ráð­herra hafi stað­fest við sig, bæði í sam­tölum og smá­skila­boð­um, að ÍBV ætti að fá 100 millj­óna króna fram­lag sem sam­þykkt var í fjár­auka­lögum árs­ins 2021 til þess að bæta íþrótta­fé­lögum tekju­tap vegna við­burða­halds.

„For­svars­mönnum félags­ins brá því heldur betur þegar í ljós kom að ein­ungis 40.000.000 kr bár­ust félag­inu þann 22. apríl 2022 frá mennta- og barna­mála­ráðu­neyt­in­u,“ segir í erindi fram­kvæmda­stjór­ans, sem er sent til þess að fal­ast eftir frek­ari styrk til íþrótta­fé­lags­ins við afgreiðslu fjár­laga í ár.

Í erind­inu er fjár­hags­staða félags­ins sögð erfið í kjöl­far þess að Þjóð­há­tíðir áranna 2020 og 2021 voru blásnar af sökum sam­komu­tak­mark­ana í tengslum við kór­ónu­veiru­far­ald­ur­inn, en félagið sjálft metur tjón sitt af þessum völdum vel yfir 300 millj­ónir króna heild­ina.

Har­aldur rekur að við úrvinnslu fjár­auka­laga fyrir árið 2021 hafi fjár­laga­nefnd borist til­laga að styrk, sem veita átti íþrótta- og æsku­lýðs­fé­lögum vegna tekju­missis ýmissa við­burða sem fella þurfti niður með skömmum fyr­ir­vara þegar sam­komu­tak­mark­anir tóku aftur gildi. Segir hann að rík­is­stjórnin hafi haft þann vilja að 60 millj­ónum króna yrði veitt í mál­efn­ið, og að skil­yrt væri að hið minnsta 40 millj­ónir króna færu óskiptar til ÍBV.

„Fjár­laga­nefnd tók málið fyrir og mat stöð­una þannig, byggt á fyr­ir­liggj­andi gögn­um, að hækka ætti fram­lagið í 100 millj­ónir króna og halda hlut­föll­unum um lág­marks­hlut ÍBV óbreyttu eða 2/3. Ekk­ert var því til fyr­ir­stöðu að ef ekk­ert annað félag myndi sækja í þennan sjóð á sömu for­sendum og að ÍBV fengi þannig allan sjóð­inn, enda höfðu aðgerðir stjórn­valda orðið til þess að félagið hafi orðið af 230 millj­ónum króna hið minnsta und­an­farin tvö árin,“ segir í erindi Har­ald­ar.

Hann vísar svo til nefnd­ar­á­lits fjár­laga­nefndar um fjár­auka­lögin í fyrra, þar sem gerð til­laga um 100 millj­óna króna fram­lag til íþrótta- og æsku­lýðs­fé­laga vegna tekju­miss­is.

„Ýmsa við­burði þurfti að fella niður með skömmum fyr­ir­vara þegar sam­komu­tak­mark­anir tóku aftur gildi, við­burði sem eru mik­il­vægir fjár­öfl­un­ar­við­burðir sem ekki hefur reynst unnt að halda og því er lagt til að unnt verði að sækja um styrki vegna tekju­miss­is. Sem dæmi má nefna að þjóð­há­tíð í Vest­manna­eyjum var felld niður annað árið í röð með skömmum fyr­ir­vara,“ sagði í nefnd­ar­á­liti meiri­hluta fjár­laga­nefnd­ar.

Engin önnur félög hafi sótt um á þessum for­sendum

Til­laga meiri­hlut­ans um þetta var svo vissu­lega sam­þykkt á Alþingi og 100 millj­ónir króna færðar í mál­efn­ið. Ljóst er þó að ÍBV telur sig ekki hafa fengið allt sem félagið átti að fá af þess­ari upp­hæð.

Har­aldur segir í erindi sínu að eftir „ótal sím­töl og vand­ræða­lega mikla eft­ir­grennslan kom loks­ins til þess að ráðu­neytið greiddi félag­inu úr umræddum sjóð“ í apríl síð­ast­liðnum og að svo hafi félagið fengið stað­fest í „ít­rek­uðum fyr­ir­spurnum um hvort önnur félög hefðu sótt í þennan sjóð á umræddum for­sendum þeim sem koma fram í áður­nefndu nefnd­ar­á­lit­i,“ að svo væri ekki.

„Einnig hafði aðstoð­ar­maður ráð­herra stað­fest að félagið fengi 100 millj­ónir króna úr sjóðnum bæði í sam­tölum og í smá­skila­boð­um. For­svars­mönnum félags­ins brá því heldur betur þegar í ljós kom að ein­ungis 40.000.000 kr bár­ust félag­inu þann 22. apríl 2022 frá Mennta- og barna­mála­ráðu­neyt­in­u,“ segir í erindi Har­ald­ar.